Rydyn ni’n eich annog i gysylltu â ni os hoffech siarad â’r tîm i gael rhagor o wybodaeth am unrhyw un o’r pynciau yn y rhestr.

Rydyn ni hefyd yn parhau i ddatblygu’r pecynnau cymorth presennol a chreu adnoddau newydd i wella bywyd gwaith. Helpwch ni gyda’r broses hon drwy gadw llygad am ein harolygon a’n polau piniwn sy’n sail ar gyfer datblygu gwaith.

Cefnogi gweithwyr LHDTC+

Dylai pawb gael bod yn nhw eu hunain. Mae pawb yn haeddu teimlo’n ddiogel ac yn cael eu parchu yn y gwaith. Fodd bynnag, er bod cymunedau LHDTC+ wedi gweld llawer o newid cadarnhaol dros y blynyddoedd diwethaf, mae gormod o bobl yn dal i deimlo nad ydyn nhw’n ddiogel ac yn gyfforddus yn y gwaith. Nod ein cynllun gweithredu newydd 10 cam yw newid yr agwedd hon.

Aflonyddu Rhywiol yn y gweithle

Mae aflonyddu rhywiol yn rhan o ddiwylliant ehangach, di-baid o drais rhywiol a chasineb at ferched. Nid yw’n weithred ddi-nod y dylid ei derbyn fel rhan anochel o fywyd bob dydd. Mae’n broblem fyd-eang ac mae gwahanol rannau o’r byd yn delio â hi mewn gwahanol ffyrdd. Mae gennym gyfle i fynd i’r afael â’r broblem hon o ddifrif er mwyn gwneud Cymru y lle mwyaf diogel i weithio, byw a chymdeithasu.

Lawrlwythwch y pecyn cymorth ar aflonyddu rhywiol yn y gweithle er mwyn dod o hyd i wybodaeth a chymorth i’ch helpu.

Y Menopos

Mae TUC Cymru wedi datblygu cyfres o becynnau cymorth ac adroddiadau ar y menopos sydd â’r nod o helpu cynrychiolwyr undebau llafur i weithio gyda chyflogwyr i wneud gwelliannau yn y gweithle. Mae’r adnoddau’n ymdrin â gwybodaeth hanfodol am y menopos ac yn edrych ar rai o’r problemau cyffredin yn y gweithle sy’n effeithio ar y rheini sy’n ei wynebu. Maen nhw’n cynnig adnoddau ymarferol i gynrychiolwyr undebau llafur ac enghreifftiau o addasiadau i’r gweithle, camau gweithredu a rhestrau gwirio.

Gwrth-hiliaeth yn y gweithle - 10 cam gweithredu ar gyfer cynrychiolwyr yn y gweithle

Nid yw gweithleoedd yn llefydd cyfartal, ac mae angen gweithredu i newid hynny. Mae undebau’n allweddol i wneud y newidiadau hyn drwy fargeinio, negodi a gweithredu ar y cyd. Fel Undebwyr Llafur, rhaid i ni weithio gyda’n gilydd i ddarparu undod, cyfleoedd a bargen deg i weithwyr Du, Asiaidd ac ethnig leiafrifol.

Rydyn ni wedi siarad â’r llywodraeth, wedi cyfrannu at bolisïau, ac wedi gwneud llawer o newidiadau a chynlluniau.

Nawr yw’r amser i weithredu er mwyn i ni allu cymryd camau gwirioneddol tuag at wrth-hiliaeth.

Gwrthsefyll y dde eithafol

Mae eithafiaeth y dde eithafol ar gynnydd yn ein gweithleoedd a'n cymunedau. Ers refferendwm Brexit, rydyn ni wedi gweld cynnydd yng ngweithgareddau'r dde eithafol ledled Cymru.

Mae ymgyrchwyr y dde eithafol wedi bod yn ymgasglu yn ein strydoedd ac ar-lein, gan geisio recriwtio mewn cymunedau sy'n dioddef blynyddoedd o esgeulustod, tanariannu a diweithdra. Mae'r rhain yn cynnwys nifer o'n cymunedau ni yma yng Nghymru.

Rhowch gynnig ar ein  eNodyn Gwrthsefyll y Dde Eithafol heddiw.

Anabledd a namau ‘cudd’

Rhaid i gyflogwyr a’r llywodraeth wneud mwy i wella cydraddoldeb i bobl anabl yn y gweithle. Cynhaliodd TUC Cymru  arolwg mawr ar fwy na 1000 o weithwyr yng Nghymru a chanfod bod llawer o weithwyr anabl eisiau gweld newid yn y ffordd mae anabledd yn cael ei drin yn y gwaith.

Felly, mae TUC Cymru wedi llunio rhestr o ofynion ymgyrchu ar gyfer llywodraethau Cymru a’r Du, yn ogystal â phecyn cymorth ymarferol y gall cynrychiolwyr yr undebau llafur ei ddefnyddio i bwyso am welliannau yn y gweithle.

Cefnogi gweithwyr hŷn

Mae poblogaeth Cymru’n heneiddio’n gyflym, rydyn ni’n byw’n hirach ac yn cael llai o blant. Wrth i’r boblogaeth gyffredinol heneiddio, yna mae gweithlu Cymru’n dilyn ei esiampl. Mae mwy o weithwyr 50 oed a hŷn yng Nghymru nag erioed o’r blaen.

Ymgyrch Siarter Afiechyd Marwol

Mae nifer o weithwyr yn cael salwch difrifol rywbryd yn ystod eu bywydau. Efallai y bydd arnynt angen amser o'r gwaith, am fisoedd weithiau, i gael triniaeth neu i wella.

Ond, ar adegau, does dim triniaeth effeithiol. Yn yr achosion hynny, mae’r gweithiwr a’i deulu’n wynebu straen emosiynol enfawr, ofn, a phryderon ariannol o bosib. Gall y Siarter Afiechyd Marwol helpu i leddfu rhywfaint ar y straen hwnnw ac mae’n cyflwyno ffordd y cytunwyd arni i gyflogeion gael eu trin a’u cefnogi os ceir diagnosis o salwch terfynol.

Gamblo Problemus

Er gwaethaf y cynnydd mewn bod yn gaeth i gamblo, mae dioddefwyr yn teimlo llawer iawn o stigma a chywilydd. Gall undebau chwarae rhan allweddol yn y gwaith o gael gwared ar y stigma hwnnw yn y gweithle a chyfeirio aelodau at y cymorth priodol.

Cynrychiolwyr Dysgu'r Undebau

Mae dysgu undebau yn cael dylanwad ar bopeth sy’n bwysig iddyn nhw. Gall helpu i wella Iechyd a Diogelwch, cyfle cyfartal, sicrwydd swydd a thâl.

Gall undebau llafur chwarae rhan bwysig yn y gwaith o sicrhau bod gan aelodau'r sgiliau sydd eu hangen i gystadlu yn swyddi'r dyfodol. Gellir mynd i’r afael â llawer o’n heriau economaidd yn y dyfodol, fel digideiddio ac awtomeiddio drwy ddysgu a sgiliau.

Pecyn cymorth Gweithleoedd gwyrddach a phontio teg 

Pwrpas y pecyn cymorth hwn yw darparu gwybodaeth i helpu swyddogion a chynrychiolwyr undebau llafur yng Nghymru sydd am weithredu ar yr argyfwng hinsawdd a negodi i gael gweithleoedd gwyrddach a thecach.

Dysgwch mwy am ein hymgyrch dros adferiad gwyrdd a thrawsnewidiad cyfiawn

Beth ddylwn i ei ddisgwyl gan fy rheolwr pan fyddaf yn gweithio gartref?

Egwyddorion ar gyfer gweithwyr a chynrychiolwyr undebau llafur wrth drafod gweithio gartref gyda’ch cyflogwr

Mae llawer mwy o bobl yn gweithio’n hyblyg nag o’r blaen. Mae hyn yn gallu cynnig llawer o fanteision i weithwyr. Gall eu helpu i gael gwell cydbwysedd rhwng bywyd a gwaith.

Deallusrwydd Artiffisial, awtomateiddio a digidoleiddio yn y sector cyhoeddus

Gallai technoleg ddigidol newydd gael effaith ddifrifol ar weithlu gwasanaeth cyhoeddus Cymru.

Mae’r effeithiau posibl yn cynnwys colli swyddi, mwy o anghydraddoldeb, hyfforddiant annigonol a swyddi o ansawdd is. Bydd yn bwysig i undebau llafur ystyried eu hymateb i ddyfodiad technoleg ddigidol.

Mae’r ddau adroddiad yma’n tynnu sylw at bwysigrwydd cefnogi gweithwyr i gael gafael ar sgiliau newydd ac, yn hollbwysig, gwreiddio arferion da drwy negodi â chyflogwyr ar draws y sectorau allweddol rydyn ni’n gwybod y mae’r effaith fwyaf arnynt. Mae wedi’i anelu at ein cynrychiolwyr yn y gweithle. Mater i chi yw dechrau’r sgyrsiau hyn gyda’ch cyflogwyr a’ch cydweithwyr er mwyn gwireddu’r uchelgais o sicrhau trawsnewid cyfiawn yng Nghymru a mynd i’r afael â’r newidiadau mawr sy’n wynebu gweithwyr heddiw.

1. Negodi awtomatiaeth a thechnoleg newydd
2. Negotiating the future of work: Net-zero

Cipolwg ar ddealltwriaeth a phrofiad gweithwyr Cymru o ddeallusrwydd artiffisial

Yn yr adroddiad hwn, rydym yn rhoi cipolwg ar brofiad cyfredol gweithwyr yng Nghymru o Ddeallusrwydd Artiffisial (AI). Y nod yw llywio ymateb yr undeb i AI, a chamau gweithredu Llywodraeth Cymru yn y dyfodol.

Mae undebwyr llafur yng Nghymru yn addasu ac yn dysgu’n gyflym i ymateb i ddefnydd cynyddol o AI. Fodd bynnag, mae angen i ni wneud mwy gyda’n gilydd. Rhaid i weithwyr, undebau, cyflogwyr, technolegwyr a Llywodraeth Cymru weithio law yn llaw i wireddu’r cyfleoedd ac i reoli risgiau AI gyda’i gilydd.

Gyda dull partneriaeth gymdeithasol, gallwn sicrhau bod pawb yn ffynnu yn yr amgylchedd newydd hwn.

Contractau dim oriau yn y sector cyhoeddus - canllaw sydyn i gynrychiolwyr

Gweithwyr ar gontractau ‘dim oriau’ yw rhai o’r bobl fwyaf bregus a dan fygythiad yn y gweithlu.

Mae gan weithwyr ar gontract ‘dim oriau’ hawliau statudol o hyd, gan gynnwys yr isafswm cyflog cenedlaethol, gwyliau â thâl, a’r hawl i gael seibiant gorffwys. Ac yn y sector cyhoeddus yng Nghymru, mae ganddyn nhw’r hawl i gael cynnig contract rhan-amser neu amser llawn ar ôl cyfnod o ddeuddeg wythnos yn y swydd.

Cyrraedd gweithwyr ifanc

Mae angen i’n mudiad ni ehangu os ydyn ni eisiau parhau i fod yn un sy’n gallu newid byd gwaith. I wneud hynny, mae angen inni ddod o hyd i ffyrdd
o gael rhagor o aelodau ifanc yn ein hundebau llafur. Heb aelodau ifanc, fyddwn ni ddim yn gallu gwneud y newidiadau rydyn ni eisiau eu gweld.

Sicrhau bod Cymru’n Wlad o Waith Teg

Rydyn ni’n ymgyrchu i sicrhau bod Cymru yn Wlad o Waith Teg – lle mae gweithwyr yn cael bargen well. Mae cyflogau isel, contractau dim oriau ac anghydraddoldeb yn difetha ein heconomi.

Os rydyn ni’n ychwanegu hyn at effaith bosibl Brexit, awtomateiddio a Chredyd Cynhwysol, mae’r cyfuniad yn wenwynig. Mae angen gweithredu nawr – mae angen sicrhau bod gwaith yn decach.

OU yng Nghymru

Tudalen WULF

Sefydliad Dysgu a Gweithio

Rhaglenni addysg cymunedol

Coleg Gwent

Addysg Oedolion Cymru

Colegau

Aflonyddu Rhywiol

Mae rhai gweithwyr wedi rhoi gwybod am gydweithwyr yn gwneud sylwadau amhriodol am weld y tu mewn i’w hystafelloedd gwely neu am benaethiaid yn gwneud gofynion afresymol o ran yr hyn y dylen nhw ei wisgo ar gamera. Mae gweithwyr eraill wedi derbyn sylwadau amhriodol drwy grwpiau Whatsapp staff. Mae diogelwch gweithwyr hefyd wedi cael ei roi mewn perygl yn ystod y pandemig yn sgil rheoliadau Covid oedd yn golygu bod rhai gweithwyr yn gorfod bod mewn gweithle ochr yn ochr â’r sawl oedd yn cyflawni'r aflonyddu ond mewn grwpiau llai nag arfer.

Bydd canfyddiadau arolwg TUC Cymru yn cael eu defnyddio i greu adnoddau newydd ar gyfer cynrychiolwyr undebau ac i ymgyrchu dros roi terfyn ar aflonyddu rhywiol i bawb.

Gweithio a gofalu am bobl eraill

Mae TUC Cymru a Gofalwyr Cymru nawr yn casglu gwybodaeth gan weithwyr yng Nghymru am eu profiadau unigol o weithio i ofalu am rywun. Mae eu harolwg newydd yn gofyn am allu gweithwyr i weithio a symud ymlaen yn eu gyrfaoedd yn ogystal â’r effaith y mae gofalu yn ei chael ar eu hiechyd corfforol a meddyliol.

Byddan nhw hefyd yn casglu data am yr hyn y mae gweithleoedd yng Nghymru yn ei wneud ar hyn o bryd i helpu gweithwyr sydd â chyfrifoldebau gofalu drwy bolisïau yn y gweithle, trefniadau gweithio hyblyg a mwy. Defnyddir y data i siarad â’r Llywodraeth am yr hyn sydd angen ei newid a gweithio’n uniongyrchol gyda chyflogwyr i wneud pethau’n well i’r rhai sy’n gofalu am bobl eraill.

Mae’r arolwg yn agored i bawb sy’n gweithio yng Nghymru, nid dim ond i aelodau undebau. Mae ar gael yn Gymraeg ac yn Saesneg ac mae pob ymateb yn gwbl ddienw. Defnyddiwch y botwm toglo yn y gornel dde uchaf i newid yr iaith i gyd-fynd â’ch dewis.

Er mwyn cadw ein tiwtoriaid a’n myfyrwyr yn ddiogel yn ystod y pandemig Coronafeirws, rydyn ni wedi penderfynu gohirio cyrsiau mewn dosbarthiadau am gyfnod. Bydd ein rhaglen wyneb yn wyneb sy’n cael ei chyflwyno gan Addysg Oedolion Cymru a Choleg Gwent yn dechrau’n ôl cyn gynted â phosibl.

Fodd bynnag, rydyn ni’n gwybod bod angen hyfforddiant a chymorth ar ein cynrychiolwyr fwy nag erioed yn ystod y cyfnodau anodd hyn. Felly, mae gwasanaeth addysg TUC wedi datblygu rhaglen ar-lein i gynrychiolwyr am y tro cyntaf.

Gallwch ddewis cyrsiau hir neu ein rhaglen blas ar ddysgu sy’n cynnwys eNodiadau. Gyda mynediad 24/7, dysgwch ar eich cyflymder eich hun, lle bynnag a phryd bynnag sy’n gyfleus i chi. Yr oll sydd angen i chi ei wneud yw dewis cwrs isod a dechrau arni.

Tymor yr haf 2024 – Cyrsiau i gynrychiolwyr yng Nghymru 

Gwybodaeth ar y cyrsiau sydd ar gael yn 2022/2023

Cliciwch ar enw'r cwrs isod ar gyfer mwy o wybodaeth am beth fyddech yn dysgu os ydych chi'n ymuno â'r cwrs.

Cynrychiolwyr undebau – rhan 1

Os ydych chi’n gynrychiolydd undeb newydd, mae’r cwrs hwn yn hanfodol. Byddwch yn dysgu

• beth mae bod yn gynrychiolydd yn ei olygu
• sut mae cynrychioli eich aelodau’n effeithiol
• sut mae codi materion cyfunol ac unigol gyda’ch cyflogwr

Byddwch yn deall y rôl a’i chyfrifoldebau. Mae’r rhain yn cynnwys cydweithio ag aelodau a chynrychiolwyr undebau eraill, siarad ag aelodau a delio â’u problemau, recriwtio aelodau a’u helpu i gymryd rhan yn yr undeb, cwrdd â rheolwyr i drafod amrywiaeth o faterion yn y gwaith, a gwneud yn siŵr bod aelodau’n cael y wybodaeth ddiweddaraf.

Cynrychiolwyr undebau – rhan 2

Os ydych chi wedi cwblhau ‘Cynrychiolwyr Undebau – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i gamu ymlaen yn eich rôl undeb llafur. Mae’r cwrs yn ymdrin â’r canlynol:

• Rolau arwain yn y strwythur cangen, h.y. Cadeirydd, Ysgrifennydd a Thrysorydd,
• sut mae undeb llafur yn gwneud penderfyniadau a sut gallwch ddylanwadu ar ei bolisïau,
• cynnal trafodaethau effeithiol,
• trefnu ymgyrchoedd llwyddiannus.

Yr amddiffyniad gorau yn y gweithle yw undebau llafur trefnus, ond mae deall beth yw ein hawliau a sut mae gwneud y defnydd gorau ohonynt yn hanfodol i’ch rôl. Byddwch yn dysgu am y canlynol:

• Contractau cyflogaeth
• Diswyddo teg ac annheg
• Cydraddoldeb ac amrywiaeth
• Gweithredu diwydiannol

Cynrychiolwyr iechyd a diogelwch – rhan 1

Os ydych chi’n gynrychiolydd Iechyd a Diogelwch newydd, mae’r cwrs hwn yn hanfodol. Byddwch yn dysgu:

• beth mae bod yn gynrychiolydd Iechyd a Diogelwch yn ei olygu
• sut mae iechyd a diogelwch yn cael ei drefnu yn eich gweithle
• sut mae delio â materion iechyd a diogelwch yn y gwaith.

Byddwch yn edrych ar y gyfraith iechyd a diogelwch, ar archwiliadau diogelwch, ar asesiadau risg ac ar fesurau ataliol. Bydd y cwrs hwn yn dysgu hanfodion iechyd a diogelwch i chi ac yn eich cyflenwi â’r sgiliau, y wybodaeth a’r hyder i gyflawni eich rôl yn effeithiol.

Cynrychiolwyr iechyd a diogelwch – rhan 2

Os ydych chi wedi cwblhau ‘Iechyd a Diogelwch – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i ddelio â’r materion pwysicach hynny. Bydd y cwrs yn ymdrin â’r canlynol

•  Trefnu a chynllunio iechyd a diogelwch yn effeithiol,
• sut a phryd i’w ddefnyddio,
• sicrhau gwell bargen i aelodau,
• dadansoddi asesiadau risg,
• hyfforddiant iechyd a diogelwch.

Er ein bod yn ceisio sicrhau gweithleoedd mwy diogel i’n haelodau, rhaid i ni gydnabod hefyd yr angen am gydraddoldeb ac amrywiaeth. Drwy gydol y cwrs, byddwch yn edrych ar faterion sy’n ymwneud â chydraddoldeb fel:

• Rhywedd a chyfarpar diogelu persono
• Aflonyddu rhywiol
• Anableddau cudd
• Y menopos

Ymwybyddiaeth o iechyd meddwl

Mae iechyd meddwl yn y gweithle yn dod yn fwyfwy pwysig. Mae’r cwrs hwn yn trafod pam ei fod yn bwysig a sut gall cynrychiolwyr ddelio â phroblemau iechyd meddwl.

Ar gyfer pwy mae’r cwrs?

Mae’r cwrs hwn ar gyfer cynrychiolwyr sydd eisiau gwella eu hymwybyddiaeth o sut gall y gweithle effeithio ar iechyd meddwl ac sydd am wella polisïau ar gyfer eu haelodau.

Beth fydd y cwrs yn fy helpu i’w wneud?

Bydd y cwrs yn helpu cynrychiolwyr i wneud y canlynol:

• Datblygu dealltwriaeth well o Iechyd Meddwl yn gyffredinol.
• Datblygu dealltwriaeth well o broblemau Iechyd Meddwl sy’n gysylltiedig â gwaith.
• Datblygu dealltwriaeth well o Gyfraith Gwahaniaethu ar sail Anabledd a sut mae’n berthnasol i bobl â phroblemau Iechyd Meddwl.
• Defnyddio astudiaethau achos a chwarae rôl i ddatblygu sgiliau ymarferol ar gyfer delio â phroblemau sy’n gysylltiedig ag Iechyd Meddwl.
• Llunio cynllun gweithredu i weithio gydag aelodau a chyflogwyr i ddatblygu strategaeth ar gyfer problemau Iechyd Meddwl.

Cynrychiolwyr dysgu undebau – rhan 1

Os ydych yn Gynrychiolydd Dysgu Undebau newydd, mae’r cwrs hwn yn hanfodol.

Bydd yn eich cyflenwi â’r sgiliau a’r wybodaeth sydd eu hangen arnoch i fod yn Gynrychiolydd Dysgu Undebau effeithiol. Mae llawer mwy i rôl Cynrychiolydd Dysgu Undebau na dim ond trefnu cyrsiau yn eich gweithle. Mae’n golygu gweithio yn eich cangen, gyda’ch cyflogwyr, darparwyr a chyllidwr i ehangu mynediad i ddysgu a sicrhau cyfle cyfartal yn eich gweithle.

Bydd y cwrs yn dysgu’r canlynol i chi:

• Rôl undebau llafur mewn cysylltiad â dysgu a sgiliau
• Rôl Cynrychiolydd Dysgu Undebau
• Dulliau undebau llafur o ran dysgu yn y gweithle a modelau arferion gorau perthnasol
• Polisïau a rhaglenni allweddol sy’n berthnasol i’r system sgiliau oedolion yng Nghymru
• Sut mae hyrwyddo dysgu yn eich gweithle
• Sut mae nodi anghenion dysgu
• Sut mae gweithio gyda’ch cangen a’ch cyflogwr i gael gwared ar y rhwystrau i ddysgu a datblygu yn y gwaith

Gwneud ein gweithleoedd yn fwy gwyrdd

Mae’r cwrs hwn wedi’i anelu at gynrychiolwyr gwyrdd/amgylcheddol newydd a phrofiadol yn ogystal ag undebwyr llafur eraill sydd am gymryd camau ymarferol i fynd i'r afael â’r argyfwng hinsawdd a natur yn eu gweithle.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Negodi er mwyn sicrhau Trawsnewid Cyfiawn

Bydd y cwrs hwn yn rhoi gwybodaeth a syniadau i gynrychiolwyr undebau, cynrychiolwyr iechyd a diogelwch, cynrychiolwyr gwyrdd a swyddogion cangen a fydd yn eu helpu i wybod sut i ymateb yn strategol i’r her o roi llais i weithwyr ar y trawsnewid i economi sero-net.

Bydd yn helpu cynrychiolwyr undebau i ddatblygu strategaethau negodi at ddibenion cynllunio ar gyfer trawsnewid y gweithle a datblygu dealltwriaeth o effaith ehangach y newid ar faterion fel sgiliau yn y gweithle, swyddi ac iechyd a diogelwch.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau ymarferol i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Diploma mewn iechyd a diogelwch galwedigaethol

Bydd y cwrs hwn yn helpu cynrychiolwyr diogelwch profiadol i ddatblygu eu dealltwriaeth o egwyddorion ac ymarfer iechyd a diogelwch.

Mae'r cwrs yn rhoi cyfle i ddysgwyr gwestiynu datblygiad a swyddogaeth deddfwriaeth iechyd a diogelwch, dysgu sut mae creu cyfundrefn undeb llafur ar gyfer iechyd a diogelwch a sut mae mynd i'r afael â rhai o'r problemau mae gweithwyr yn eu hwynebu ar hyn o bryd o ran iechyd, diogelwch, lles a'r amgylchedd.

Ar gyfer pwy mae’r cwrs?

Mae’r cwrs wedi’i gynllunio’n benodol ar gyfer cynrychiolwyr iechyd a diogelwch profiadol.

Pa mor hir mae’r rhaglen yn para?

Cyflwynir y cwrs dros dri thymor.

Beth fydd y cwrs yn fy helpu i’w wneud?

Bydd y cwrs yn eich helpu gyda’r canlynol:

• sut mae cwestiynu datblygiad a swyddogaeth cyfraith iechyd a diogelwch
• darganfod sut mae creu cyfundrefn undeb llafur ar gyfer iechyd a diogelwch
• sut mae mynd i’r afael â rhai o’r problemau iechyd, diogelwch, lles ac amgylcheddol y mae gweithwyr yn eu hwynebu ar hyn o bryd.

Pa bynciau fydd yn cael eu hastudio?

Mae Diploma'r TUC wedi'i achredu gan NOCN ac mae wedi'i rannu'n sawl uned - tair uned graidd a phedair uned sgiliau astudio - gweler isod.

Uned Iechyd Galwedigaethol, Diogelwch, Lles a’r Amgylchedd

Mae’r uned hon yn canolbwyntio ar bedwar prif bwnc, sef iechyd galwedigaethol, problemau diogelwch a lles a phroblemau amgylcheddol yn y gwaith, ffynonellau neu wybodaeth, defnyddio tystiolaeth mewn proses datrys problemau, a strategaethau undebau llafur ar gyfer mynd i’r afael â materion sydd â blaenoriaeth.

Bydd yr uned hon yn eich helpu i ddeall:

• problemau iechyd, diogelwch, lles ac amgylcheddol
• ffynonellau gwybodaeth allweddol am iechyd, diogelwch, lles a phroblemau amgylcheddol
• tystiolaeth i gefnogi atebion i broblemau sydd â blaenoriaeth
• strategaethau undebau llafur ar gyfer mynd i'r afael â phroblemau sydd â blaenoriaeth

Uned Cyfundrefn Iechyd a Diogelwch Galwedigaethol

Mae’r uned hon yn canolbwyntio ar ddau brif bwnc, sef trefniadaeth undeb a threfn reoli.

Bydd yr uned hon yn eich helpu i ddeall:

• rôl cyfundrefn iechyd a diogelwch eich undeb ar lefel leol
• rôl cyfundrefn iechyd a diogelwch eich undeb ar lefel genedlaethol a rhyngwladol
• egwyddorion rheoli iechyd a diogelwch
• rôl gwasanaethau iechyd a diogelwch galwedigaethol

Uned Cyfraith Iechyd a Diogelwch Galwedigaethol

Mae’r uned hon yn canolbwyntio ar bedwar prif bwnc: y system gyfreithiol droseddol ar gyfer iechyd a diogelwch galwedigaethol a’r gwelliannau sydd eu hangen; y system gyfreithiol sifil ar gyfer iechyd a diogelwch galwedigaethol a’r gwelliannau sydd eu hangen; y ffordd y mae cyfreithiau’n cael eu datblygu yn y DU a sut y gall undebau llafur ddylanwadu ar y datblygiadau hyn; y ffordd y mae safonau rhyngwladol yn cael eu datblygu a sut y gall undebau llafur ddylanwadu ar y datblygiadau hyn.

Bydd yr uned hon yn eich helpu i ddeall:

• y ffordd y mae’r systemau cyfreithiol sifil a throseddol yn ymdrin ag iechyd a diogelwch galwedigaethol
• ffyrdd y gellid gwella cyfraith iechyd a diogelwch galwedigaethol
• sut mae cyfraith iechyd a diogelwch galwedigaethol yn cael ei datblygu
• sut y gall undebau llafur ddylanwadu ar ddatblygiad cyfraith iechyd a diogelwch galwedigaetho

Interactive learning (eNote)

We have short bite-sized pieces of learning and longer courses. Each piece of learning is self-contained and contains a mixture of text, video and quizzes. They last between 20 and 45 minutes and can be returned to as many times as you like. Access our interactive guides

Webinars

Our webinars on specific workplace issues are a valuable training tool for reps and members. Sign-up to our upcoming events or watch our past webinars.

Course directory

Fforymau cydraddoldeb

Mae TUC Cymru yn rhedeg fforymau cydraddoldeb i roi cyfle i aelodau undebau llafur drafod materion pwysig ynglŷn â’u hunaniaeth.

Mae'r fforymau cydraddoldeb yn ymdrin â’r ffrydiau cydraddoldeb canlynol:

• LHDTC+
• Merched
• Yr iaith Gymraeg
• Hil
• Gweithwyr ifanc
• Gweithwyr anabl

Caiff y fforymau eu harwain gan aelodau etholedig Cyngor Cyffredinol TUC Cymru, a nod y grwpiau hyn yw darparu undod, mannau diogel a chyfle i weithio gydag undebwyr llafur eraill. 

Os ydych chi’n uniaethu ag unrhyw un o’r rhain ac yn aelod o undeb, mae croeso i chi ymuno.

Ymunwch â fforwm

Rhwydweithiau i gynrychiolwyr

Mae TUC Cymru yn cynnal cyfarfodydd rheolaidd ar-lein ac wyneb yn wyneb ar gyfer cynrychiolwyr, gweithredwyr a swyddogion i rwydweithio a rhannu arfer da. Mae cyfarfodydd rhwydwaith hefyd yn aml yn cynnwys diweddariadau gan TUC Cymru a sefydliadau allanol perthnasol. Rydym yn rhedeg yn rheolaidd ar hyn o bryd:

• Cynrychiolwyr Dysgu Undebau
• Rhwydwaith Gweithleoedd Gwyrddach

I ddarganfod pryd mae'r cyfarfod nesaf ar gyfer y rhwydweithiau hyn, ewch  i'n tudalen digwyddiadau neu cofrestrwch i dderbyn ein e-gylchlythyrau.  

Cynrychiolwyr Dysgu Undebau

Mae Cynrychiolwyr Dysgu’r Undeb yn elfen amhrisiadwy sy’n helpu undebau i gyrraedd y dysgwyr. Law yn llaw â WULF, maent yn gallu cefnogi amrywiaeth o gyfleodd dysgu yn cynnwys llythrennedd digidol, cyrsiau proffesiynol pwrpasol, a chefnogaeth yn ystod newid mewn sefydliad neu mewn gyrfa. O fewn y gweithle, bydd cynrychiolwyr dysgu’r undeb yn:

• codi ymwybyddiaeth am werth dysgu
• helpu trefnu cyrsiau
• cefnogi a hybu aelodau i gymryd rhan yn y dysgu
• hyrwyddo cyfartaledd ac iechyd a llesiant drwy ddysgu

Os oes gennych ddiddordeb mewn bod yn gynrychiolydd dysgu’r undeb, mynnwch sgwrs ag ysgrifennydd eich cangen.

Darllenwch fwy (yn Saesneg) am waith Cynrychiolwyr Dysgu Undebau

Pecyn cymorth cynrychiolwyr dysgu undebau

Gall Undebau Llafur chwarae rhan enfawr wrth sicrhau bod gan aelodau'r sgiliau sydd eu hangen ar gyfer cystadlu yn y farchnad swyddi yn y dyfodol. Gellir rhoi sylw i nifer o’r heriau economaidd yn y dyfodol, fel digideiddio ac awtomatiaeth, trwy ddysgu a gloywi sgiliau.

Gwyliwch ein Swyddog Cymorth Polisi a Chyfathrebu Flick Stock yn siarad am yr hyn sydd yn y pecyn cymorth ULR a sut y gellir ei ddefnyddio yn eich gweithle.

Download the ULR toolkit

Cronfa Ddysgu Undeb Cymru (WULF)

Mae TUC Cymru wedi arwain y ffordd mewn dysgu drwy’r undeb am dros ugain mlynedd. Rydym yn cefnogi ein hundebau cyswllt a phrosiectau Cronfa Ddysgu Undebau Cymru (WULF). Mae’r prosiectau dysgu yma yn amrywio o Sgiliau Hanfodol a darllen, i gymwysterau plymio ac arlunwyr colur. Gan eu bod yn gweithio drwy’r Undebau ac yn y gweithle, mae prosiectau WULF yn gallu cyrraedd dysgwyr nad yw cronfeydd eraill yn gallu eu cyrraedd. Maen nhw’n cefnogi’r rhai sydd angen cymorth fwyaf.

Mae prosiectau Cronfa Ddysgu Undebau Cymru (WULF) yn parhau yn ystod argyfwng y coronafeirws - ewch i'n tudalen ar WULF i ddysgu mwy. 

Ar hyn o bryd mae TUC Cymru yn ymgyrchu dros sicrhau bod dysgu a sgiliau yn rhan o wneud Cymru yn 'Wlad Gwaith Teg'. Drwy gefnogi aelodau â’u haddysg, rydym yn gwella eu rhagolygon swydd ac maent yn meithrin y sgiliau sydd eu hangen arnynt. Ond mae yna hefyd fanteision ehangach - gall WULF greu gweithle mwy crefftus a gwella’r economi.

Arolwg Dysgu: Ffyrdd hawdd o arolygu eich gweithle

Mae arolygu neu fapio eich gweithle a’ch cydweithwyr yn dasg bwysig, a gall fod yn broses frawychus.
Does dim rhaid i bethau fod yn anodd.

Mae cymaint o apiau a rhaglenni ar gael am ddim y dyddiau hyn sy’n ei gwneud hi’n haws cynhyrchu arolwg, ei rannu ac yn bwysicach na hynny, chrynhoi’r wybodaeth rydych chi’n ei chasglu i adroddiad addas i’w rannu â’r tîm rheoli/AD neu eich Rheolwr Prosiect WULF.

Y tip gorau yw cadw pethau’n syml. Lluniwch amlinelliad clir o’r hyn yr ydych eisiau ei wybod a faint y byddech yn fodlon ei gwblhau eich hun. Nid oes unrhyw un eisiau ysgrifennu traethodau neu phentwr o wybodaeth i ateb cwestiynau ac yn sicr ni fyddant eisiau cymryd oes i lenwi un.

Manteisiwch ar alluoedd yr ap rydych chi wedi'i ddewis. Mae gan y rhan fwyaf o’r apiau modern hyn brosesau arbennig sy’n golygu bod modd cynhyrchu graffiau a chasglu data’n gyflym yn awtomatig. Pam ailddyfeisio’r olwyn?

Os yw’r ap rydych chi wedi’i ddewis yn gwneud hyn i chi, bydd yn arbed amser, ymdrech a straen.

Mae’r prosesau hyn hefyd yn ei gwneud yn haws cyflwyno eich canfyddiadau. Maent yn glir ac yn hawdd eu darllen, yn haneru eich llwyth gwaith ac yn dangos yn glir feysydd a allai greu cyfleoedd dysgu i’ch cydweithwyr neu fylchau mewn sgiliau nad yw’r rheolwyr wedi bod yn ymwybodol ohonynt.

Cofiwch nad yw addysgu a hyfforddi yn helpu’r dysgwr yn unig, ond y cyflogwr hefyd a’r gymuned yn gyffredinol. 

Mae aelod staff hapus a llwyddiannus yn gwneud aelod staff mwy cynhyrchiol, gweithle hapusach a mwy effeithlon ac mae hynny’n cael effaith ddilynol ym mhob man.

Mae’r cyflwyniad isod yn tynnu sylw at y prif feysydd i’w hystyried wrth ddechrau arni, wrth rannu eich arolwg a’ch canfyddiadau ac mae arolwg enghreifftiol isod i’ch rhoi chi ar ben ffordd.

Yn olaf, cofiwch fod eich Rheolwr Prosiect WULF yn adnodd gwerthfawr ac mae yno i helpu fel y mae staff yn TUC Cymru.

Cysylltwch â: wulr@tuc.org.uk neu fstock@tuc.org.uk

Learning Survey - Example survey form [English version]

Learning Survey - Example survey form [Welsh version]

Learning Survey - Easy ways to survey your workplace presentation [Billingual]