Gamblo Problemus
Mae effaith niwed sy’n ymwneud â gamblo yn amrywiol ac yn bellgyrhaeddol. Mae gamblwyr a’u teuluoedd, eu ffrindiau a’u cydweithwyr yn sôn am broblemau gyda:
- llai o les meddyliol
- cholledion ariannol
- dyledion
- problemau tai
- mwy o risg o ddiweithdra
- perthnasoedd yn torri i lawr
Sut gall undebau helpu gamblwyr problemus?
Er gwaethaf cyffredinolrwydd cynyddol bod yn gaeth i gamblo, mae dioddefwyr yn teimlo llawer iawn o stigma a chywilydd. Gall undebau chwarae rhan allweddol o ran gwaredu’r stigma yn y gweithle, a chyfeirio aelodau at y cymorth priodol.
Mae gamblo problemus yn broblem sylweddol yn y gweithle. Nododd adroddiad Reed in Partnership:
Y byddai’n well gan 28% o oedolion cyflogedig sy’n gamblo yn y DU – dros 4 miliwn o bobl – beidio â datgelu graddfa’r gamblo i gydweithwyr.
Pobl rhwng 25-34 oed yw’r grŵp oedran sydd fwyaf tebygol o gamblo yn y gweithle, un ai ar-lein neu ar ap ar eu ffôn symudol
Mae dros bedwar ym mhob pump o oedolion Prydain (82%) yn credu y gall gamblo a dyledion dynnu sylw pobl oddi ar eu gwaith.
Gall undebau llafur, wrth weithio gyda chyflogwyr goleuedig, chwarae rhan bwysig wrth daclo gamblo problemus yn y gweithle, a chefnogi aelodau yn ystod pob cam o’r daith at wella.
Llwythwch ein pecyn cymorth Gamblo Problemus i lawr i gael rhagor o wybodaeth ar y materion uchod, ac i ddysgu sut gallwch chi helpu.
Gwyliwch Gareth Hathway, Swyddog Addysg Undeb a Chymorth TUC Cymru, yn rhannu ystadegau am gamblo problemus yng Nghrymu ac yn egluro sut bydd y pecyn cymorth yma yn gweithio.
