Mae gweithwyr ifanc yn fwy tebygol o fod mewn swyddi ansicr, mewn swyddi sydd â chyflog isel a heb gyfleoedd i symud ymlaen yn y gwaith nag unrhyw grŵp oedran arall.  

I helpu i fynd i’r afael â hyn, mae undebau llafur wedi gweithio mewn partneriaeth gymdeithasol â Llywodraeth Cymru i ddatblygu’r rhaglen newydd Undebau a Byd Gwaith. 

Pam defnyddio adnoddau Undebau a Byd Gwaith?

Mae'r rhaglen yn darparu adnoddau o ansawdd uchel i athrawon i helpu myfyrwyr i archwilio:

•    hawliau pobl ifanc yn y gwaith  
•    rôl undebau llafur 
•    deallusrwydd artiffisial a thechnolegau digidol 
•    Newid yn yr hinsawdd 
•    Tegwch a chydraddoldeb ym myd gwaith 
•    Sut i ddysgu sgiliau newydd wrth weithio 

Mae’r rhaglen drawsgwricwlaidd hon yn ymwneud â'r agwedd Gyrfaoedd a Phrofiad sy’n Gysylltiedig â Gwaith (CWRE) yn y cwricwlwm newydd yng Nghymru. 
Mae’r adnoddau’n hyblyg, a gellir eu cyflwyno fel gwersi ar eu pen eu hunain neu mewn ffordd drawsgwricwlaidd.  

Trefnwch siaradwr gwadd ar gyfer eich ysgol 

Gall TUC Cymru drefnu i undebwr llafur profiadol ddod i’ch ysgol fel siaradwr gwadd fel rhan o’r rhaglen 

Beth am gynnal y rhaglen Undebau a Byd Gwaith yn eich ysgol?  

I dderbyn yr adnoddau, neu i drefnu siaradwr gwadd, llenwch ein ffurflen gofrestru ar gyfer Undebau a Byd Gwaith.

Os oes gennych chi gwestiynau, cysylltwch â ni ar youthwales@tuc.org.uk 

Dyfodol y rhaglen Undebau a Byd Gwaith

Nod prosiect Undebau a Byd Gwaith yw creu rhaglen gynaliadwy hirdymor ar gyfer ysgolion (rhwng 14 ac 19 oed, CA4 ac ôl-16). Bydd y rhaglen yn seiliedig ar gynllun tebyg sy'n cael ei gynnal gan STUC o'r enw Unions Into Schools sy’n cael ei gynnal ledled yr Alban. Bydd yn gweithio'n agos â chynlluniau tebyg sy’n cael eu cynnal ledled y DU gan ein hundebau cysylltiedig, megis y prosiect ‘Unite in Schools’.  

Os ydych chi wedi defnyddio’r adnoddau ac eisiau cynnig adborth i ni neu rannu lluniau o’ch sesiynau, anfonwch neges e-bost i youthwales@tuc.org.uk 

Mae gan y wefan newydd sbon hon restr o raddau poblogaidd y Brifysgol Agored a chyrsiau Mynediad y gallwch eu hastudio o adref neu yn y gwaith, ar amser sy'n gyfleus i chi.

Mae hefyd yn cynnwys gwybodaeth ar sut gall holl weithwyr Cymru cael cyllid ar gyfer cwrs trwy’r Gronfa Ddysgu Undebau Cymru (WULF).

Mae dysgutrwyrundeb.cymru wedi’i chreu gan Y Brifysgol Agored yng Nghymru mewn partneriaeth â TUC Cymru. Mae yma i'ch helpu gwella'ch sgiliau a datgloi eich potensial.
Cymerwch olwg ar y cyfleoedd dysgu sy’n agored i chi
 

Mae gan y wladwriaeth ddatganoledig lawer o bŵer dros fywydau gweithwyr er bod hawliau cyflogaeth a chysylltiadau diwydiannol wedi’u cadw gan San Steffan.

Ychydig iawn o ystyriaeth sydd wedi bod yng Nghymru hefyd o’r hyn y byddai’n ei olygu i ddatganoli cyfraith hawliau cyflogaeth a chysylltiadau diwydiannol, ac felly nid oes llawer o drafodaethau wedi bod ynghylch risgiau a manteision hyn. 

Gall cysylltiadau diwydiannol deimlo’n amhosibl i’w clustnodi gan eu bod yn croesi ffiniau cenedlaethol heb fawr o sylw i ddatganoli mewn rhai achosion ac wedi cael eu hail-lunio’n llwyr mewn rhai eraill.

Mae gan ein mudiad ddyled enfawr i’r Athro Jenkins am ymgymryd â’r dasg enfawr hon.

Mae’r papur terfynol hwn yn ddiddorol dros ben, yn enwedig o ran lle rydym ni nawr. Mae ein marchnad lafur ar ei gliniau. Mae’n siomi cannoedd ar filoedd o weithwyr. Nid yw eu hawliau’n cael eu parchu ac ni allai eu disgwyliadau fod yn is.

Mae TUC Cymru wedi bod yn gefnogwr balch ac wedi siarad o blaid datganoli yng Nghymru, ac mae’n parhau i wneud hynny. Buom yn ymgyrchu dros Senedd i Gymru ac rydym wedi gweld â’n llygaid ein hunain y gwahaniaeth y gall cael ein llywodraeth ein hunain yng Nghaerdydd ei wneud – yn enwedig yn ystod yr argyfwng ariannol, yn ystod Covid ac wrth sefydlu’r strwythurau partneriaeth gymdeithasol sy’n rhoi llais i weithwyr Cymru ar y lefelau uchaf. Felly, ein man cychwyn yw y dylai’r gwaith o reoli gwaith yng Nghymru fod mor agos â phosibl at weithwyr yng Nghymru.

Mae adroddiad yr Athro Jenkins yn sefydlu’r realiti cymhleth a heriol y mae’n rhaid i ni fynd i’r afael ag ef wrth edrych ar ddatganoli hawliau cyflogaeth.

Mae nifer o weithwyr yng Nghymru yn cefnogi datganoli hawliau cyflogaeth. Ond nid yw’r mwyafrif yn cefnogi hyn ar hyn o bryd. Mae llawer o’r rheini a allai fod eisiau gweld unrhyw ddatganoli o’r fath yn digwydd yn gyflym yn gwneud hynny o sefyllfa gadarnhaol – maent yn dymuno gweld Llywodraeth Cymru, sydd wedi ceisio diogelu gweithwyr rhag eithafion ymosodiadau olynol gan lywodraeth y DU, yn cymryd yr awenau.

Ond, fel y noda’r Athro Jenkins yn ddeheuig, mae llywodraeth y dydd ymhell o fod yr unig weithredwr perthnasol yn y farchnad lafur.

Mae’r Comisiwn wedi canolbwyntio i raddau helaeth ar sut y gellir llwyr harneisio’r setliad datganoledig presennol a’r ddeddfwriaeth bresennol, nad yw’n cael ei gorfodi, er mwyn creu’r math o amodau lle gall gweithwyr wedyn benderfynu ar y llwybr iawn ar eu cyfer. Mae’n nodi sut y gellir dechrau cryfhau ac ailadeiladu marchnad lafur Cymru.

Drwy archwilio themâu craidd hawliau llafur, sefydliadau a gorfodi, mae’n edrych ar yr hyn sy’n angenrheidiol i sicrhau nad yw unrhyw ganlyniad – gan gynnwys datganoli pellach neu lawn – yn atgyfnerthu methiannau presennol yn y farchnad lafur. 

Mae angen i hyn fod yn fan cychwyn ar gyfer ein mudiad.  

Mae angen i ni ymdrin â’r materion hyn gyda’n llygaid yn llydan agored ynghylch beth allai’r risgiau hynny fod, gan ystyried yn ofalus sut i liniaru’r rhain, a diogelu’r hyn y mae gweithwyr eisoes wedi’i ennill a’i sicrhau.

Bydd gwneud hynny’n rhoi cyfle i ni greu marchnad lafur unigryw a mwy blaengar a theg yng Nghymru.

Mae angen i ni hefyd fod yn barod i fanteisio ar y cyfleoedd posibl i ddenu gweithwyr i’r sector cyhoeddus yng Nghymru. Mae symud tuag at breifateiddio a rhoi gweithwyr ar gontractau allanol wedi bod yn ffactor pwysig o ran tanseilio hawliau ac atebolrwydd gweithwyr dros y 40 mlynedd diwethaf. Gan fod Plaid Lafur y DU wedi ymrwymo i’r “don fwyaf o fewnoli mewn cenhedlaeth” mae angen i ni ystyried sut y gallwn fanteisio ar y cyfle hwn yng Nghymru.

Mae argymhellion yr Athro Jenkins yn canolbwyntio ar ail-lunio sefydliadau'r farchnad lafur yn llwyr yng Nghymru, drwy fuddsoddi mewn gorfodi a newid y wladwriaeth ddatganoledig tuag at ailadeiladu'r amodau sy'n angenrheidiol i weithwyr gael mynediad at eu hawliau llafur sylfaenol. Rwyf hefyd yn nodi ei hargymhelliad ar sut y dylai TUC Cymru fod yn datblygu gallu’r undeb i edrych ar ymarferoldeb datganoli pellach posibl. 

Rwy'n siarad ar ran ein holl aelodau cyswllt wrth ddiolch o waelod calon i'r Athro Jenkins am ei hymrwymiad a'i gwaith wrth ystyried y materion hyn ac ysgrifennu'r adroddiad hwn.

Mater i TUC Cymru yn awr fydd ystyried yr argymhellion hyn a chytuno ar ein camau nesaf fel mudiad i wneud gwaith yn decach i bawb.

Er mwyn cadw ein tiwtoriaid a’n myfyrwyr yn ddiogel yn ystod y pandemig Coronafeirws, rydyn ni wedi penderfynu gohirio cyrsiau mewn dosbarthiadau am gyfnod. Bydd ein rhaglen wyneb yn wyneb sy’n cael ei chyflwyno gan Addysg Oedolion Cymru a Choleg Gwent yn dechrau’n ôl cyn gynted â phosibl.

Fodd bynnag, rydyn ni’n gwybod bod angen hyfforddiant a chymorth ar ein cynrychiolwyr fwy nag erioed yn ystod y cyfnodau anodd hyn. Felly, mae gwasanaeth addysg TUC wedi datblygu rhaglen ar-lein i gynrychiolwyr am y tro cyntaf.

Gallwch ddewis cyrsiau hir neu ein rhaglen blas ar ddysgu sy’n cynnwys eNodiadau. Gyda mynediad 24/7, dysgwch ar eich cyflymder eich hun, lle bynnag a phryd bynnag sy’n gyfleus i chi. Yr oll sydd angen i chi ei wneud yw dewis cwrs isod a dechrau arni.

Tymor yr haf 2024 – Cyrsiau i gynrychiolwyr yng Nghymru 

Gwybodaeth ar y cyrsiau sydd ar gael yn 2022/2023

Cliciwch ar enw'r cwrs isod ar gyfer mwy o wybodaeth am beth fyddech yn dysgu os ydych chi'n ymuno â'r cwrs.

Cynrychiolwyr undebau – rhan 1

Os ydych chi’n gynrychiolydd undeb newydd, mae’r cwrs hwn yn hanfodol. Byddwch yn dysgu

• beth mae bod yn gynrychiolydd yn ei olygu
• sut mae cynrychioli eich aelodau’n effeithiol
• sut mae codi materion cyfunol ac unigol gyda’ch cyflogwr

Byddwch yn deall y rôl a’i chyfrifoldebau. Mae’r rhain yn cynnwys cydweithio ag aelodau a chynrychiolwyr undebau eraill, siarad ag aelodau a delio â’u problemau, recriwtio aelodau a’u helpu i gymryd rhan yn yr undeb, cwrdd â rheolwyr i drafod amrywiaeth o faterion yn y gwaith, a gwneud yn siŵr bod aelodau’n cael y wybodaeth ddiweddaraf.

Cynrychiolwyr undebau – rhan 2

Os ydych chi wedi cwblhau ‘Cynrychiolwyr Undebau – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i gamu ymlaen yn eich rôl undeb llafur. Mae’r cwrs yn ymdrin â’r canlynol:

• Rolau arwain yn y strwythur cangen, h.y. Cadeirydd, Ysgrifennydd a Thrysorydd,
• sut mae undeb llafur yn gwneud penderfyniadau a sut gallwch ddylanwadu ar ei bolisïau,
• cynnal trafodaethau effeithiol,
• trefnu ymgyrchoedd llwyddiannus.

Yr amddiffyniad gorau yn y gweithle yw undebau llafur trefnus, ond mae deall beth yw ein hawliau a sut mae gwneud y defnydd gorau ohonynt yn hanfodol i’ch rôl. Byddwch yn dysgu am y canlynol:

• Contractau cyflogaeth
• Diswyddo teg ac annheg
• Cydraddoldeb ac amrywiaeth
• Gweithredu diwydiannol

Cynrychiolwyr iechyd a diogelwch – rhan 1

Os ydych chi’n gynrychiolydd Iechyd a Diogelwch newydd, mae’r cwrs hwn yn hanfodol. Byddwch yn dysgu:

• beth mae bod yn gynrychiolydd Iechyd a Diogelwch yn ei olygu
• sut mae iechyd a diogelwch yn cael ei drefnu yn eich gweithle
• sut mae delio â materion iechyd a diogelwch yn y gwaith.

Byddwch yn edrych ar y gyfraith iechyd a diogelwch, ar archwiliadau diogelwch, ar asesiadau risg ac ar fesurau ataliol. Bydd y cwrs hwn yn dysgu hanfodion iechyd a diogelwch i chi ac yn eich cyflenwi â’r sgiliau, y wybodaeth a’r hyder i gyflawni eich rôl yn effeithiol.

Cynrychiolwyr iechyd a diogelwch – rhan 2

Os ydych chi wedi cwblhau ‘Iechyd a Diogelwch – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i ddelio â’r materion pwysicach hynny. Bydd y cwrs yn ymdrin â’r canlynol

•  Trefnu a chynllunio iechyd a diogelwch yn effeithiol,
• sut a phryd i’w ddefnyddio,
• sicrhau gwell bargen i aelodau,
• dadansoddi asesiadau risg,
• hyfforddiant iechyd a diogelwch.

Er ein bod yn ceisio sicrhau gweithleoedd mwy diogel i’n haelodau, rhaid i ni gydnabod hefyd yr angen am gydraddoldeb ac amrywiaeth. Drwy gydol y cwrs, byddwch yn edrych ar faterion sy’n ymwneud â chydraddoldeb fel:

• Rhywedd a chyfarpar diogelu persono
• Aflonyddu rhywiol
• Anableddau cudd
• Y menopos

Ymwybyddiaeth o iechyd meddwl

Mae iechyd meddwl yn y gweithle yn dod yn fwyfwy pwysig. Mae’r cwrs hwn yn trafod pam ei fod yn bwysig a sut gall cynrychiolwyr ddelio â phroblemau iechyd meddwl.

Ar gyfer pwy mae’r cwrs?

Mae’r cwrs hwn ar gyfer cynrychiolwyr sydd eisiau gwella eu hymwybyddiaeth o sut gall y gweithle effeithio ar iechyd meddwl ac sydd am wella polisïau ar gyfer eu haelodau.

Beth fydd y cwrs yn fy helpu i’w wneud?

Bydd y cwrs yn helpu cynrychiolwyr i wneud y canlynol:

• Datblygu dealltwriaeth well o Iechyd Meddwl yn gyffredinol.
• Datblygu dealltwriaeth well o broblemau Iechyd Meddwl sy’n gysylltiedig â gwaith.
• Datblygu dealltwriaeth well o Gyfraith Gwahaniaethu ar sail Anabledd a sut mae’n berthnasol i bobl â phroblemau Iechyd Meddwl.
• Defnyddio astudiaethau achos a chwarae rôl i ddatblygu sgiliau ymarferol ar gyfer delio â phroblemau sy’n gysylltiedig ag Iechyd Meddwl.
• Llunio cynllun gweithredu i weithio gydag aelodau a chyflogwyr i ddatblygu strategaeth ar gyfer problemau Iechyd Meddwl.

Cynrychiolwyr dysgu undebau – rhan 1

Os ydych yn Gynrychiolydd Dysgu Undebau newydd, mae’r cwrs hwn yn hanfodol.

Bydd yn eich cyflenwi â’r sgiliau a’r wybodaeth sydd eu hangen arnoch i fod yn Gynrychiolydd Dysgu Undebau effeithiol. Mae llawer mwy i rôl Cynrychiolydd Dysgu Undebau na dim ond trefnu cyrsiau yn eich gweithle. Mae’n golygu gweithio yn eich cangen, gyda’ch cyflogwyr, darparwyr a chyllidwr i ehangu mynediad i ddysgu a sicrhau cyfle cyfartal yn eich gweithle.

Bydd y cwrs yn dysgu’r canlynol i chi:

• Rôl undebau llafur mewn cysylltiad â dysgu a sgiliau
• Rôl Cynrychiolydd Dysgu Undebau
• Dulliau undebau llafur o ran dysgu yn y gweithle a modelau arferion gorau perthnasol
• Polisïau a rhaglenni allweddol sy’n berthnasol i’r system sgiliau oedolion yng Nghymru
• Sut mae hyrwyddo dysgu yn eich gweithle
• Sut mae nodi anghenion dysgu
• Sut mae gweithio gyda’ch cangen a’ch cyflogwr i gael gwared ar y rhwystrau i ddysgu a datblygu yn y gwaith

Gwneud ein gweithleoedd yn fwy gwyrdd

Mae’r cwrs hwn wedi’i anelu at gynrychiolwyr gwyrdd/amgylcheddol newydd a phrofiadol yn ogystal ag undebwyr llafur eraill sydd am gymryd camau ymarferol i fynd i'r afael â’r argyfwng hinsawdd a natur yn eu gweithle.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Negodi er mwyn sicrhau Trawsnewid Cyfiawn

Bydd y cwrs hwn yn rhoi gwybodaeth a syniadau i gynrychiolwyr undebau, cynrychiolwyr iechyd a diogelwch, cynrychiolwyr gwyrdd a swyddogion cangen a fydd yn eu helpu i wybod sut i ymateb yn strategol i’r her o roi llais i weithwyr ar y trawsnewid i economi sero-net.

Bydd yn helpu cynrychiolwyr undebau i ddatblygu strategaethau negodi at ddibenion cynllunio ar gyfer trawsnewid y gweithle a datblygu dealltwriaeth o effaith ehangach y newid ar faterion fel sgiliau yn y gweithle, swyddi ac iechyd a diogelwch.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau ymarferol i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Diploma mewn iechyd a diogelwch galwedigaethol

Bydd y cwrs hwn yn helpu cynrychiolwyr diogelwch profiadol i ddatblygu eu dealltwriaeth o egwyddorion ac ymarfer iechyd a diogelwch.

Mae'r cwrs yn rhoi cyfle i ddysgwyr gwestiynu datblygiad a swyddogaeth deddfwriaeth iechyd a diogelwch, dysgu sut mae creu cyfundrefn undeb llafur ar gyfer iechyd a diogelwch a sut mae mynd i'r afael â rhai o'r problemau mae gweithwyr yn eu hwynebu ar hyn o bryd o ran iechyd, diogelwch, lles a'r amgylchedd.

Ar gyfer pwy mae’r cwrs?

Mae’r cwrs wedi’i gynllunio’n benodol ar gyfer cynrychiolwyr iechyd a diogelwch profiadol.

Pa mor hir mae’r rhaglen yn para?

Cyflwynir y cwrs dros dri thymor.

Beth fydd y cwrs yn fy helpu i’w wneud?

Bydd y cwrs yn eich helpu gyda’r canlynol:

• sut mae cwestiynu datblygiad a swyddogaeth cyfraith iechyd a diogelwch
• darganfod sut mae creu cyfundrefn undeb llafur ar gyfer iechyd a diogelwch
• sut mae mynd i’r afael â rhai o’r problemau iechyd, diogelwch, lles ac amgylcheddol y mae gweithwyr yn eu hwynebu ar hyn o bryd.

Pa bynciau fydd yn cael eu hastudio?

Mae Diploma'r TUC wedi'i achredu gan NOCN ac mae wedi'i rannu'n sawl uned - tair uned graidd a phedair uned sgiliau astudio - gweler isod.

Uned Iechyd Galwedigaethol, Diogelwch, Lles a’r Amgylchedd

Mae’r uned hon yn canolbwyntio ar bedwar prif bwnc, sef iechyd galwedigaethol, problemau diogelwch a lles a phroblemau amgylcheddol yn y gwaith, ffynonellau neu wybodaeth, defnyddio tystiolaeth mewn proses datrys problemau, a strategaethau undebau llafur ar gyfer mynd i’r afael â materion sydd â blaenoriaeth.

Bydd yr uned hon yn eich helpu i ddeall:

• problemau iechyd, diogelwch, lles ac amgylcheddol
• ffynonellau gwybodaeth allweddol am iechyd, diogelwch, lles a phroblemau amgylcheddol
• tystiolaeth i gefnogi atebion i broblemau sydd â blaenoriaeth
• strategaethau undebau llafur ar gyfer mynd i'r afael â phroblemau sydd â blaenoriaeth

Uned Cyfundrefn Iechyd a Diogelwch Galwedigaethol

Mae’r uned hon yn canolbwyntio ar ddau brif bwnc, sef trefniadaeth undeb a threfn reoli.

Bydd yr uned hon yn eich helpu i ddeall:

• rôl cyfundrefn iechyd a diogelwch eich undeb ar lefel leol
• rôl cyfundrefn iechyd a diogelwch eich undeb ar lefel genedlaethol a rhyngwladol
• egwyddorion rheoli iechyd a diogelwch
• rôl gwasanaethau iechyd a diogelwch galwedigaethol

Uned Cyfraith Iechyd a Diogelwch Galwedigaethol

Mae’r uned hon yn canolbwyntio ar bedwar prif bwnc: y system gyfreithiol droseddol ar gyfer iechyd a diogelwch galwedigaethol a’r gwelliannau sydd eu hangen; y system gyfreithiol sifil ar gyfer iechyd a diogelwch galwedigaethol a’r gwelliannau sydd eu hangen; y ffordd y mae cyfreithiau’n cael eu datblygu yn y DU a sut y gall undebau llafur ddylanwadu ar y datblygiadau hyn; y ffordd y mae safonau rhyngwladol yn cael eu datblygu a sut y gall undebau llafur ddylanwadu ar y datblygiadau hyn.

Bydd yr uned hon yn eich helpu i ddeall:

• y ffordd y mae’r systemau cyfreithiol sifil a throseddol yn ymdrin ag iechyd a diogelwch galwedigaethol
• ffyrdd y gellid gwella cyfraith iechyd a diogelwch galwedigaethol
• sut mae cyfraith iechyd a diogelwch galwedigaethol yn cael ei datblygu
• sut y gall undebau llafur ddylanwadu ar ddatblygiad cyfraith iechyd a diogelwch galwedigaetho

Interactive learning (eNote)

We have short bite-sized pieces of learning and longer courses. Each piece of learning is self-contained and contains a mixture of text, video and quizzes. They last between 20 and 45 minutes and can be returned to as many times as you like. Access our interactive guides

Webinars

Our webinars on specific workplace issues are a valuable training tool for reps and members. Sign-up to our upcoming events or watch our past webinars.

Course directory

Read this page in English

Accord

• Banciau a chymdeithasau adeiladu
• Gwasanaethau ariannol (cyfrifeg, archwilwyr, yswiriant ac ati)

Advance

• Banciau a chymdeithasau adeiladu
• Gwasanaethau ariannol (cyfrifeg, archwilwyr, yswiriant ac ati)

Aegis

• Banciau a chymdeithasau adeiladu
• Gwasanaethau ariannol (cyfrifeg, archwilwyr, yswiriant ac ati)

AEP

• Ysgolion

AFA-CWA

• Awyrennau

ASLEF

• Trenau

BALPA

• Awyrennau

BDA

• Iechyd - y sector preifat

• Iechyd - y sector cyhoeddus

BECTU Sector o Prospect

• Adloniant a'r celfyddydau
• Darlledu a Ffilm
• Cyfryngau digidol
• Theatr a sinema

BFAWU

• Bwytai ac allfeydd bwyd

BOS TU

• Iechyd - y sector preifat

• Iechyd - y sector cyhoeddus

Coleg Podiatreg

• Iechyd - y sector preifat
• Iechyd - y sector cyhoeddus

Community

• Bancio, cyllid ac yswiriant
• Banciau a chymdeithasau adeiladu
• Gwasanaethau ariannol (cyfrifeg, archwilwyr, yswiriant ac ati)
• Elusennau, mudiadau gwirfoddol ac aelodaeth
• Dosbarthu, logisteg a chyfanwerthu
• Electroneg, offer trydanol a domestig
• Gamblo (siopau betio a chasinos)
• Llywodraeth a gwasanaethau cyhoeddus
• Gwasanaeth sifil
• System cyfiawnder troseddol/sifil (gan gynnwys carchardai a chyfleusterau diogel)
• Gwasanaethau cyhoeddus - eraill
• Gweithgynhyrchwyr a chynhyrchwyr
• Gwneuthurwyr bwyd
• Mwynau nad ydynt yn fetel
• Peiriannau ac offer
• Metelau
• Rwber a phlastigau
• Tecstilau, dillad a lledr
• Telathrebu
• Siopau
• Cartrefi gofal a gofal cartref

CSP

• Iechyd - y sector preifat

• Iechyd - y sector cyhoeddus

CWU

• Banciau a chymdeithasau adeiladu
• Electroneg, offer trydanol a domestig
• TG - y sector preifat
• TG - y sector cyhoeddus
• Peiriannau ac offer
• Gwasanaethau post
• Telathrebu

EIS

• Addysg
• Addysg bellach
• Addysg uwch
• Meithrinfeydd a gofal plant
• Ysgolion

Equity

• Adloniant a'r celfyddydau
• Darlledu a Ffilm
• Theatr a sinema

FBU

• Gwasanaeth tân

FDA

• Amgueddfeydd ac orielau celf
• Llywodraeth a gwasanaethau cyhoeddus
• Gwasanaeth sifil
• Gwasanaethau cyhoeddus - eraill

GMB

• Elusennau, mudiadau gwirfoddol ac aelodaeth
• Adeiladu
• Dosbarthu, logisteg a chyfanwerthu
• Addysg bellach
• Addysg uwch
• Meithrinfeydd a gofal plant
• Electroneg, offer trydanol a domestig
• Adloniant a'r celfyddydau
• Theatr a sinema
• Gwasanaeth ambiwlans
• Gwasanaeth sifil
• Llywodraeth leol
• Gwasanaeth yr heddlu
• Gwasanaethau cyhoeddus - eraill
• Trin gwallt a thriniaethau harddwch
• Iechyd
• Iechyd - y sector preifat
• Iechyd - y sector cyhoeddus
• Gwestai, bwytai, bariau a lletygarwch
• Gwestai
• Tafarndai a bariau
• Bwytai ac allfeydd bwyd
• Technoleg gwybodaeth
• TG - y sector cyhoeddus
• Gwasanaethau cyfreithiol
• Gweithgareddau hamdden, chwaraeon ac awyr agored
• Cyfleusterau chwaraeon a hamdden awdurdodau lleol
• Cyfleusterau chwaraeon a hamdden preifat
• Gweithgynhyrchwyr a chynhyrchwyr
• Cemegau
• Diodydd a thybaco
• Gwneuthurwr bwyd
• Mwynau nad ydynt yn fetel
• Peiriannau ac offer
• Rwber a phlastigau
• Tecstilau, dillad a lledr
• Cerbydau
• Pren, dodrefn a gweithgynhyrchu arall
• Mwyngloddio a chwarela
• Echdynnu olew a nwy
• Telathrebu
• Pŵer, dŵr, carthion a gwastraff
• Cynnal a chadw eiddo
• Gwerthu a gosod eiddo
• Manwerthu a siopau
• Siopau DIY
• Manwerthwyr bwyd
• Siopau
• Archfarchnadoedd
• Gwerthu cerbydau
• Gwyddoniaeth ac ymchwil
• Cartrefi gofal a gofal cartref
• Cludo
• Cludiant ffyrdd
• Tacsis

HCSA

• Iechyd - y sector preifat
• Iechyd - y sector cyhoeddus

MU

• Diwydiant cerddoriaeth

NAHT

• Addysg bellach
• Ysgolion

NAPO

• System cyfiawnder troseddol/sifil (gan gynnwys carchardai a chyfleusterau diogel)

NARS

• Cyfleusterau chwaraeon a hamdden preifat

NASUWT

• Addysg
• Meithrinfeydd a gofal plant
• Ysgolion

Cymdeithas Staff y Cyngor Cenedlaethol Adeiladu Tai

• Adeiladu

Y Gymdeithas Genedlaethol dros Addysg mewn Celf a Dylunio (NSEAD)

• Addysg
• Addysg bellach
• Addysg uwch
• Ysgolion

Nautilus International

• Llongau

NGSU

• Banciau a chymdeithasau adeiladu

NUJ

• Adloniant a'r celfyddydau
• Darlledu a Ffilm
• Cyfryngau digidol
• Newyddiaduraeth
• Cyhoeddi ac argraffu
• Gwerthu a marchnata

NUM

• Mwyngloddio a chwarela

PCS

• Gwasanaeth yr heddlu
• Gwasanaethau cyhoeddus - eraill
• Technoleg gwybodaeth
• TG - y sector preifat
• TG - y sector cyhoeddus

PFA

• Chwaraeon Proffesiynol

POA

• System cyfiawnder troseddol/sifil (gan gynnwys carchardai a chyfleusterau diogel)

Prospect

• Amaethyddiaeth a choedwigaeth
• Gwasanaethau ariannol (cyfrifeg, archwilwyr, yswiriant ac ati)
• Elusennau, mudiadau gwirfoddol ac aelodaeth
• Adeiladu
• Arolygu addysg
• Meithrinfeydd a gofal plant
• Gwasanaeth sifil
• Gwylwyr y Glannau
• Llywodraeth leol
• TG - y sector preifat
• TG - y sector cyhoeddus
• Gwasanaethau cyfreithiol
• Cemegau
• Peiriannau ac offer
• Echdynnu olew a nwy
• Telathrebu
• Pŵer, dŵr, carthion a gwastraff
• Gwyddoniaeth ac ymchwil
• Llongau

NEU

• Addysg
• Meithrinfeydd a gofal plant
• Ysgolion

RCM

• Iechyd - y sector preifat
• Iechyd - y sector cyhoeddus

RMT

• Mwyngloddio, chwarela ac echdynnu
• Echdynnu olew a nwy
• Cludo
• Bysiau
• Trenau
• Tacsis
• Llongau

SoR

• Iechyd - y sector preifat
• Iechyd - y sector cyhoeddus

TSSA

• Gwestai, bwytai, bariau a lletygarwch
• Gwestai
• Trenau
• Teithio a thwristiaeth

UCAC

• Ysgolion

UCU

• Addysg bellach
• Addysg uwch
• Gwyddoniaeth ac ymchwil

Undeb Artistiaid Lloegr

• Adloniant a'r celfyddydau
• Amgueddfeydd ac orielau celf

UNISON

• Elusennau, mudiadau gwirfoddol ac aelodaeth
• Addysg
• Addysg uwch
• Meithrinfeydd a gofal plant
• Ysgolion
• Gwasanaeth ambiwlans
• Gwasanaeth sifil
• Llywodraeth leol
• Gwasanaeth yr heddlu
• Gwasanaethau cyhoeddus - eraill
• Iechyd - y sector preifat
• Iechyd - y sector cyhoeddus
• TG - y sector cyhoeddus
• Cyfleusterau chwaraeon a hamdden awdurdodau lleol
• Pŵer, dŵr, carthion a gwastraff
• Cartrefi gofal a gofal cartref
• Gwaith cymdeithasol

Unite

• Amaethyddiaeth a choedwigaeth
• Banciau a chymdeithasau adeiladu
• Gwasanaethau ariannol (cyfrifeg, archwilwyr, yswiriant ac ati)
• Elusennau, mudiadau gwirfoddol ac aelodaeth
• Adeiladu
• Dosbarthu, logisteg a chyfanwerthu
• Meithrinfeydd a gofal plant
• Ysgolion
• Electroneg, offer trydanol a domestig
• Amgueddfeydd ac orielau celf
• Gwasanaeth sifil
• Llywodraeth leol
• Gwasanaethau cyhoeddus - eraill
• Iechyd - y sector cyhoeddus
• Gwestai, bwytai, bariau a lletygarwch
• Gwestai
• Tafarndai a bariau
• Bwytai ac allfeydd bwyd
• TG - y sector preifat
• Gwasanaethau cyfreithiol
• Gweithgynhyrchwyr a chynhyrchwyr
• Cemegau
• Diodydd a thybaco
• Gwneuthurwyr bwyd
• Mwynau nad ydynt yn fetel
• Peiriannau ac offer
• Metelau
• Papur, cardbord a phecynnu
• Rwber a phlastigau
• Tecstilau, dillad a lledr
• Cerbydau
• Pren, dodrefn a gweithgynhyrchu arall
• Mwyngloddio a chwarela
• Echdynnu olew a nwy
• Telathrebu
• Pŵer, dŵr, carthion a gwastraff
• Cynnal a chadw eiddo
• Gwerthu a gosod eiddo
• Cyhoeddi ac argraffu
• Siopau DIY
• Manwerthu bwyd
• Siopau
• Archfarchnadoedd
• Gwerthu cerbydau
• Gwerthu a marchnata
• Gwyddoniaeth ac ymchwil
• Bysiau
• Awyrennau
• Cludiant ffyrdd
• Trenau
• Tacsis
• Llongau

URTU

• Dosbarthu, logisteg a chyfanwerthu
• Cludiant ffyrdd

USDAW

• Dosbarthu, logisteg a chyfanwerthu
• Gwestai, bwytai, bariau a lletygarwch
• Bwytai ac allfeydd bwyd
• Gweithgynhyrchwyr a chynhyrchwyr
• Diodydd a thybaco
• Gwneuthurwyr bwyd
• Tecstilau, dillad a lledr
• Manwerthwyr bwyd
• Siopau
• Archfarchnadoedd

WGGB

• Adloniant a'r celfyddydau
• Darlledu a Ffilm
• Cyfryngau digidol
• Theatr a sinema
• Cyhoeddi ac argraffu