Y cam nesaf ar ein taith yn y Gymraeg: lawnsio Fforwm y Gymraeg
Mae ‘r iaith Gymraeg yn rhan bwysig o’n hymrwymiad i gydraddoldeb ac amrywiaeth. Ac un o’r ffyrdd rydym yn datblygu cefnogaeth iaith Gymraeg ar gyfer ein hundebau cysylltiol yng Nghymru yw drwy lawnsio Fforwm Iaith Gymraeg yn 2023.
Mae TUC Cymru yn falch o gefnogi Diwrnod Hawliau’r Gymraeg ar 7 Rhagfyr. Rydyn ni’n dathlu statws swyddogol y Gymraeg ac yn sefydlu hawliau i ddefnyddio’r Gymraeg wrth ddelio â sefydliadau cyhoeddus.
Yn gynharach eleni, fe wnaethom lansio ein Cynnig Cymraeg. Mae’r Cynnig yn nodi’r hyn y gallwch ddisgwyl ei gael yn Gymraeg wrth gyfathrebu â TUC Cymru. Roeddem yn falch iawn o fod yn un o’r 55 sefydliad Trydydd Sector cyntaf yng Nghymru i dderbyn cydnabyddiaeth Comisiynydd y Gymraeg am ein Cynnig Cymraeg.
Yn ogystal â’r Cynnig Cymraeg, mae gennym gynlluniau beiddgar i ddatblygu ein darpariaeth Gymraeg drwy ein Cynllun Datblygu’r Gymraeg.
Yn TUC Cymru, rydyn ni hefyd yn mynd ati i ddefnyddio’r Gymraeg yn y gwaith ac mae gennym lawer o aelodau o staff sydd eisoes wedi dechrau neu’n bwriadu dechrau dysgu Cymraeg.
Darllenwch flog Marion am ddysgu Cymraeg a sut mae wedi bod o gymorth iddi mewn ffyrdd nad oedd hi’n eu disgwyl, gan gynnwys ei helpu i ddisgyn i gysgu yn y nos!
Cydraddoldeb y Gymraeg ac yn y gweithle
Mae’r Gymraeg yn rhan bwysig o’n hymrwymiad i gydraddoldeb ac amrywiaeth.
Ac un o’r ffyrdd rydym yn datblygu cefnogaeth y Gymraeg i’n hundebau cysylltiedig yng Nghymru yw drwy lansio Fforwm y Gymraeg yn Ionawr 2023.
Mae’r Fforwm hwn yn agored i holl aelodau undebau ledled Cymru a bydd yn rhoi cyfle i aelodau wneud y canlynol:
- Rhannu gwybodaeth am brofiadau sy’n ymwneud â’r Gymraeg a darparu cyngor ac arweiniad
- Darparu cymorth i ddatblygu gwasanaethau'r Gymraeg o fewn y mudiad undebau yng Nghymru
- Nodi’r cyfleoedd a’r pryderon lleol sy’n ymwneud â’r Gymraeg yn yr undebau cysylltiedig a chynnig cymorth gyda chamau a chynlluniau blaengar
- Trafod dysgu’r Gymraeg yn y gweithle
Rwy’n edrych ymlaen yn arw at y cyfle y bydd y Fforwm newydd yn ei roi i ni ac aelodau ein hundebau yng Nghymru i drafod, datblygu, esblygu a thrawsnewid ein hymgysylltiad ag aelodau a’r cyhoedd drwy ddangos pa mor falch rydyn ni'n cynnig a chefnogi gwasanaethau yn Gymraeg. Wedi’r cyfan, mae ‘Mae hen wlad fy nhadau yn annwyl i mi’ yn taro tant gyda ni i gyd!
Beth am ddathlu’r Gymraeg gyda’n gilydd - ymunwch â ni ar y daith gyffrous hon!
Cofrestrwch eich diddordeb mewn ymuno â’r Fforwm y Gymraeg neu cysylltwch â mi ar MJames@tuc.org.uk os oes gennych chi unrhyw gwestiynau.