Cyrsiau ar gyfer cynrychiolwyr yng Nghymru
Beth yw addysg undebau llafur?
Mae Addysg TUC Cymru yn hyfforddi cynrychiolwyr undebau i weithio gydag aelodau a swyddogion undebau i wneud gwahaniaeth yn eu gweithle.
Ar gyfer pwy mae hyn?
Rydym yn cynnig cyrsiau i bob cynrychiolydd undeb. P’un a ydych chi’n gynrychiolydd y gweithle, stiward llawr gwaith, cynrychiolydd iechyd a diogelwch, cynrychiolydd dysgu undeb, cynrychiolydd gwyrdd/amgylcheddol, cynrychiolydd cydraddoldeb, neu unrhyw fath arall o gynrychiolydd, mae hyfforddiant ar gael a fydd yn rhoi’r sgiliau sydd eu hangen arnoch i fod yn gynrychiolydd effeithiol yn y gweithle.
Os ydych chi’n ystyried dod yn gynrychiolydd newydd, neu os ydych chi’n gynrychiolydd profiadol sy’n awyddus i ddiweddaru eich gwybodaeth, mae gennym gwrs ar eich cyfer chi.
Yn 2025, rydym yn cynnig rhaglenni datblygu arbenigol sydd wedi’u hanelu at grwpiau sy’n cael eu tangynrychioli yn y mudiad ar hyn o bryd. Mae’r rhain yn cynnwys rhaglenni datblygu arbenigol ar gyfer ymgyrchwyr sy’n fenywod, ymgyrchwyr du ac ymgyrchwyr ifanc. Nod y rhaglenni hyn yw cefnogi aelodau i fod yn gynrychiolwyr mwy gweithredol.
Amser o'r gwaith ar gyfer hyfforddiant
Mae gan gynrychiolwyr undebau hawl i gael amser rhesymol i ffwrdd o’r gwaith gyda thâl i gyflawni dyletswyddau undeb ac i gwblhau hyfforddiant. Mae ganddynt hefyd yr hawl i gael amser rhesymol o'r gwaith heb dâl i gymryd rhan mewn gweithgareddau undeb. Mae rheoliadau ar wahân ar gyfer cynrychiolwyr iechyd a diogelwch, cynrychiolwyr y gweithle a chynrychiolwyr Dysgu Undebau. Mae rhagor o wybodaeth am hawliau i gael amser i ffwrdd o’r gwaith ar gyfer hyfforddiant ar gael yma.
Cyrsiau
Mae’r cyrsiau’n cael eu cynnal mewn partneriaeth â’n canolfannau astudiaethau undebau llafur yn Dysgu Oedolion Cymru a Choleg Gwent. Mae’r cynrychiolwyr sy’n cymryd rhan yn y cyrsiau yn dod o amrywiaeth eang o ddiwydiannau ac undebau.
Hyfforddiant wedi’i achredu
Mae ein cyrsiau wedi’u hachredu, ac yn rhoi’r cyfle i gynrychiolwyr gael cymwysterau sy’n cael eu cydnabod yn genedlaethol drwy’r Fframwaith Credydau a Chymwysterau.
Tiwtoriaid proffesiynol
Mae pawb yn gwybod pa mor bwysig yw athro da. Mae ein cyrsiau yn cael eu cynnal gan diwtoriaid proffesiynol sy’n gynrychiolwyr undebau llafur profiadol. Maen nhw’n cael hyfforddiant a diweddariadau yn rheolaidd gan TUC Cymru.
Hyfforddiant wedi’i ariannu’n llawn
Mae’r cyrsiau’n cael eu hariannu’n llawn – nid oes ffioedd cwrs ar gyfer cynrychiolwyr o undebau sy’n gysylltiedig â'r TUC.
- Tymor yr Haf - Ebrill i Orffennaf 2026
Mae rhagor o wybodaeth am gynnwys pob cwrs ar gael ymhellach i lawr y dudalen hon.
Oriau safonol y cwrs yw 9 am - 4.30 pm. Yr oriau ar gyfer cyrsiau ‘hanner diwrnod’ yw 9 am - 1 pm.
Teitl y cwrs a dyddiad cychwyn Darparwr a Lleoliad Dyddiadau llawn y cwrs Gwnewch
gais gan
Cynrychiolwyr Dysgu Undebau – Cam 1
4 Dydd Mercher o 3 Mehefin 2026
Coleg Gwent
Ar-lein dros Teams
03/06, 10/06,
17/06, 24/06
13/05 Ceisiadau ar gau Cynrychiolwyr Dysgu Undebau – Cam 2
4 Dydd Mercher o 10 Mehefin 2026
Addysg Oedolion Cymru
Ar-lein dros Teams
10/06, 17/06,
24/06, 01/07
20/05 Gweithleoedd Gwyrddach ar gyfer Trawsnewid Cyfiawn - Sgiliau Cynrychiolwyr Gwyrdd
3 Dydd Llun o 8 Mehefin 2026
Addysg Oedolion Cymru
Ar-lein dros Teams
08/06, 15/06,
22/06
20/05 Deallusrwydd Artiffisial a Thechnoleg Ddigidol yn y Gweithle
3 Dydd Gwener o 19 Mehefin 2026
Addysg Oedolion Cymru
Ar-lein dros Teams
19/06, 26/06,
03/07
01/06 Bod yn Drefnus o Dan Straen - O Wydnwch i Wrthsefyll
3 Dydd TBC Haf 2026
Coleg Gwent
Ar-lein dros Teams
TBC TBC Niwroamrywiaeth yn y Gweithle
2 Dydd Mercher o 1 Gorffenaf 2026
Coleg Gwent
Ar-lein dros Teams
01/07, 08/07 12/06 Creu’r Achos Dros Dynnu Gwaith i Mewn
1 Dydd - Dydd Llun 6 Gorffenaf 2026
Addysg Oedolion Cymru
Ar-lein dros Teams
06/07 17/06 - Tymor yr Hydref - Medi i Ragfyr 2026
Mae rhagor o wybodaeth am gynnwys pob cwrs ar gael ymhellach i lawr y dudalen hon.
Oriau safonol y cwrs yw 9 am - 4.30 pm. Yr oriau ar gyfer cyrsiau ‘hanner diwrnod’ yw 9 am - 1 pm.
Teitl y cwrs a dyddiad cychwyn Darparwr a Lleoliad Dyddiadau llawn y cwrs Gwnewch
gais gan
Cam 1 i Gynrychiolwyr Undebau (Rhan A)
5 Dydd Llun o 11 Tachwedd 2026
Addysg Oedolion Cymru
Ar-lein dros Teams
02/11, 09/11, 16/11, 23/11, 30/11 19/10 Cam 1 i Gynrychiolwyr Undebau (Rhan B)
5 Dydd Mercher o 4 Tachwedd 2026
Addysg Oedolion Cymru
Ar-lein dros Teams
04/11, 11/11, 18/11, 25/11, 02/12 19/10 Diweddariad ar y Gyfraith Cyflogaeth (Uwch) – (Modiwl Cam 2 i Gynrychiolwyr Undebau)
4 Dydd Mawrth o 3 Tachwedd 2026
Addysg Oedolion Cymru
Ar-lein dros Teams
03/11, 10/11, 17/11, 24/11 19/10 Cam 1 i Gynrychiolwyr Iechyd a Diogelwch (Rhan A)
5 Dydd Llun o 2 Tachwedd 2026
Coleg Gwent
Ar-lein dros Teams
02/11, 09/11, 16/11, 23/11, 30/11 19/10 Cam 2 i Gynrychiolwyr Iechyd a Diogelwch (Rhan A)
5 Dydd Mercher o 4 Tachwedd 2026
Coleg Gwent
Ar-lein dros Teams
04/11, 11/11, 1811, 25/11, 02/12 19/10 Cam 1 i Gynrychiolwyr Dysgu Undebau
4 Dydd Iau o 5 Tachwedd 2026
Addysg Oedolion Cymru
Ar-lein dros Teams
05/11, 12/11, 19/11, 26/11 19/10 Mynd i’r Afael ag Aflonyddu Rhywiol a’i Atal
3 Dydd Iau o 1 Hydref 2026
Coleg Gwent
Ar-lein dros Teams
01/10, 08/10, 15/10 17/09 Sgiliau Siarad Cyhoeddus ar gyfer Cynrychiolwyr Undebau
2 Dydd Gwener o 20 Tachwedd 2026
Addysg Oedolion Cymru
Ar-lein dros Teams
20/11, 27/11 06/11 Anabledd yn y Gweithle
3 diwrnod - Dydd Llun i ddydd Mercher 2 i 4 Tachwedd 2026
Addysg Oedolion Cymru
Ar-lein dros Teams
02/11, 03/11, 04/11 19/10 - Tymor y gwanwyn - Ionawr i Fawrth 2027
Mae rhagor o wybodaeth am gynnwys pob cwrs ar gael ymhellach i lawr y dudalen hon.
Oriau safonol y cwrs yw 9 am - 4.30 pm. Yr oriau ar gyfer cyrsiau ‘hanner diwrnod’ yw 9 am - 1 pm.
Teitl y cwrs a dyddiad cychwyn Darparwr a Lleoliad Dyddiadau llawn y cwrs Gwnewch
gais gan
Cam 1 i Gynrychiolwyr Undebau (Rhan B)
5 Dydd Mawrth o 16 Chwefror 2027
Addysg Oedolion Cymru
Ar-lein dros Teams
16/02, 23/02, 02/03, 09/03, 16/03 01/02 Cydfargeinio a Negodi (Uwch) – (Modiwl Cam 2 i Gynrychiolwyr Undebau)
2 Dydd Mercher o 04 Chwefror 2027
Addysg Oedolion Cymru
Ar-lein dros Teams
24/02, 03/03 04/02 Cam 1 i Gynrychiolwyr Iechyd a Diogelwch (Rhan B)
5 Dydd Llun o 15 Chwefror 2027
Coleg Gwent
Ar-lein dros Teams
15/02, 22/02, 01/03, 08/03, 15/03 01/02 Cam 1 i Gynrychiolwyr Dysgu Undebau
4 Dydd Iau o 14 Ionawr 2027
Addysg Oedolion Cymru
Ar-lein dros Teams
14/01, 21/01, 8/01, 04/02 04/01 Gwneud y Gweithle’n fwy Gwyrdd – sgiliau cynrychiolwyr gwyrdd
3 Dydd Mawrth o 2 Mawrth 2027
Addysg Oedolion Cymru
Ar-lein dros Teams
02/03, 09/03, 16/03 15/02 Deallusrwydd Artiffisial a Thechnoleg Ddigidol yn y Gweithle
2 Dydd Gwener o 22 Ionawr 2027
Coleg Gwent
Ar-lein dros Teams
22/01, 29/01 07/01 Niwroamrywiaeth yn y Gweithle
2 Dydd Gwener o 26 Chwefror 2027
Addysg Oedolion Cymru
Caerdydd (yn bersonol)
26/02, 05/03 04/02 Bod yn Drefnus o Dan Straen – O Wydnwch i Wrthsefyll
3 Dydd Mawrth 16 Chwefror 2027
Coleg Gwent
Ar-lein dros Teams
16/02, 23/02, 02/03 01/02 - Tymor yr Haf - Ebrill i Orffennaf 2027
Mae rhagor o wybodaeth am gynnwys pob cwrs ar gael ymhellach i lawr y dudalen hon.
Oriau safonol y cwrs yw 9 am - 4.30 pm. Yr oriau ar gyfer cyrsiau ‘hanner diwrnod’ yw 9 am - 1 pm.
Teitl y cwrs a dyddiad cychwyn Darparwr a Lleoliad Dyddiadau llawn y cwrs Gwnewch
gais gan
Cam 1 i Gynrychiolwyr Undebau (Rhan A)
5 Dydd Mercher o 14 Ebrill 2027
Addysg Oedolion Cymru
Ar-lein dros Teams
07/04, 14/04, 21/04, 28/04, 05/05 18/03 Diweddariad ar y Gyfraith Cyflogaeth (Uwch) – (Modiwl Cam 2 i Gynrychiolwyr Undebau)
4 Dydd Iau o 15 Ebrill 2027
Addysg Oedolion Cymru
Ar-lein dros Teams
15/04, 22/04, 29/04, 06/05 05/04 Gloywi Gwybodaeth a Sgiliau Cynrychiolwyr (Uwch) – (modiwl Cam 2 i Gynrychiolwyr Undebau)
4 Dydd Mercher o 9 Mehefin 2027
Addysg Oedolion Cymru
Ar-lein dros Teams
09/06, 16/06, 23/06, 30/06 25/05 Cam 1 i Gynrychiolwyr Iechyd a Diogelwch (Rhan A)
5 Dydd Llun o 5 Ebrill 2027 (ac eithrio dydd Llun 31 Mai, gan ei fod yn ŵyl banc/hanner tymor)
Coleg Gwent
Ar-lein dros Teams
05/04, 12/04, 19/04, 26/04, 10/05 18/03 Cam 2 i Gynrychiolwyr Iechyd a Diogelwch (Rhan B)
5 Dydd Llun o 17 Mai 2027 (ac eithrio dydd Llun 31 Mai, gan ei fod yn ŵyl banc/hanner tymor)
Coleg Gwent
Ar-lein dros Teams
17/05, 24/05, 07/06, 14/06, 21/06 30/04 Cam 2 i Gynrychiolwyr Dysgu Undebau
4 Dydd Iau o 10 Mehefin 207
Addysg Oedolion Cymru
Ar-lein dros Teams
10/06, 17/06, 24/06, 01/07 26/05 Cynrychiolwyr Cydraddoldeb
4 Dydd Mercher o 7 Ebrill 2027
Coleg Gwent
Ar-lein dros Teams
07/04, 14/04, 21/04, 28/04 18/03 Mynd i’r Afael ag Aflonyddu Rhywiol a’i Atal
3 Dydd Gwener o 7 Mai 2027
Addysg Oedolion Cymru
Ar-lein dros Teams
07/05, 14/05, 21/05 22/04 Partneriaeth Gymdeithasol
2 Dydd Llun o 10 Mai 2027
Addysg Oedolion Cymru
Ar-lein dros Teams
10/05, 17/05 22/02 Ymagwedd at Iechyd a Diogelwch sy’n Ystyriol o Rywedd
3 2 Dydd Mawrth o 8 Mehefin 2027
Addysg Oedolion Cymru
Ar-lein dros Teams
08/06, 15/06 24/05
Cynnwys y cwrs: beth mae pob cwrs yn ei gynnig?
Cliciwch ar enw’r cwrs isod i gael rhagor o wybodaeth am yr hyn y byddwch yn ei ddysgu.
[Bydd y cwympflychau yn yr adran hon yn cael eu diweddaru]
- Cynrychiolwyr Undebau – Cam 1 (rhannau A a B)
Cynrychiolwyr Undebau – Cam 1 (Rhan A)
Hyd: 5 diwrnod
Y cwrs cynefino cychwynnol 5 diwrnod hwn yw modiwl cyntaf ein cwrs Cam 1 ar gyfer cynrychiolwyr undebau, sy’n cael ei gyflwyno mewn dau fodiwl ar wahân.
Mae’r cwrs hwn yn hanfodol i gynrychiolwyr undebau newydd. Bydd y cwrs yn eich helpu i wneud y canlynol:
deall rôl cynrychiolydd undeb yn y gweithle ac yn yr undeb ehangach
nodi materion aelodau a chynrychioli aelodau mewn trafodaethau gyda chyflogwyr
adeiladu prosesau recriwtio ac ymgyrchoedd undebau llafur
deall hawliau yn y gwaith, contractau cyflogaeth a deddfwriaeth allweddol
magu hyder yn eich rôl a’ch cyfrifoldebau fel cynrychiolydd undeb
I gwblhau Cam 1 o’ch hyfforddiant cychwynnol, unwaith y byddwch wedi cwblhau Rhan A, dylech gofrestru ar gyfer Rhan B y cwrs. Mae hwn yn fodiwl 5 diwrnod arall ac mae’n cwblhau eich hyfforddiant cynefino cychwynnol fel cynrychiolydd. Cynigir cyrsiau fesul modiwl fel eich bod yn gallu dewis pryd yr hoffech wneud ail ran y cwrs.
Cynrychiolwyr Undebau – Cam 1 (Rhan B)
Hyd: 5 diwrnod
Rhan B yw ail fodiwl cwrs Cynrychiolwyr Undebau – Cam 1 a bydd yn cwblhau eich sesiwn gynefino hanfodol fel cynrychiolydd newydd. Cyn dechrau Rhan B, rhaid i chi fod wedi cwblhau Rhan A o gwrs Cynrychiolwyr Undebau – Cam 1.
Bydd y cwrs 5 diwrnod hwn yn eich helpu i wneud y canlynol:
deall sut yr ymdrinnir â chwynion, achosion disgyblu a gwaith achos arall a sut i gynrychioli aelodau’n effeithiol
defnyddio a gwneud cytundebau
deall strwythurau undebau a changhennau
trefnu a mapio eich gweithle
datblygu sgiliau cyfathrebu a sgiliau eraill ymhellach sydd eu hangen arnoch i fod yn gynrychiolydd effeithiol
Llwybr Cymhwyster Cynrychiolwyr Undebau
Gall cynrychiolwyr sy’n cwblhau Rhan A o gwrs Cynrychiolwyr Undebau – Cam 1, yn ogystal â chyflwyno’r dystiolaeth angenrheidiol o gyflawniad, gael Dyfarniad Lefel 1 cychwynnol ar gyfer Cynrychiolwyr Undebau Llafur. Ar ôl i chi gwblhau Rhan B y cwrs yn llwyddiannus, gallwch gael Tystysgrif Lefel 1 lawn ar gyfer y cymhwyster Cynrychiolwyr Undebau Llafur. Agored Cymru yw’r corff dyfarnu ar gyfer y cymwysterau hyn.
- Cynrychiolwyr Iechyd a Diogelwch – Cam 1 (rhannau A a B)
Cynrychiolwyr Iechyd a Diogelwch – Cam 1 (Rhan A)
Hyd: 5 diwrnod
Y cwrs cynefino cychwynnol 5 diwrnod hwn yw modiwl cyntaf ein cwrs Cam 1 ar gyfer cynrychiolwyr iechyd a diogelwch undebau llafur, sy’n cael ei gyflwyno mewn dwy ran ar wahân. Mae’r cwrs hwn yn hanfodol i gynrychiolwyr iechyd a diogelwch newydd.
Byddwch yn dysgu am y canlynol:
- Prif swyddogaethau a hawliau cynrychiolydd iechyd a diogelwch
- Dyletswyddau cyfreithiol cyflogwyr o dan ddeddfwriaeth iechyd a diogelwch
- Y broses asesu risg
- Gweithio gydag aelodau i nodi materion iechyd a diogelwch
- Sut mae cyfweld ag aelodau’n effeithiol, ac ysgrifennu adroddiadau iechyd a diogelwch
- Ymagwedd undebau llafur at iechyd a diogelwch yn y Gwaith
Cynrychiolwyr Iechyd a Diogelwch – Cam 1 (Rhan B)
Rhan B yw ail fodiwl cwrs Cam 1 i Gynrychiolwyr Iechyd a Diogelwch, a bydd yn cwblhau eich proses gynefino hanfodol fel cynrychiolydd iechyd a diogelwch newydd. Cyn dechrau ar Ran B, rhaid i chi fod wedi cwblhau rhan A o gwrs Cam 1 i Gynrychiolwyr Iechyd a Diogelwch.
Bydd y cwrs 5 diwrnod hwn yn eich helpu i wneud y canlynol:
- Deall sut mae defnyddio a chymhwyso’r gyfraith ar iechyd a diogelwch yn y gweithle
- Deall deddfwriaethau allweddol, fel y Ddeddf Iechyd a Diogelwch yn y Gwaith a rheoliadau fel RIDDOR
- Cynnal arolygiadau effeithiol yn y gweithle
- Asesu polisïau iechyd a diogelwch y gweithle
- Casglu gwybodaeth i helpu i leihau damweiniau a salwch yn y Gwaith
Llwybr Cymhwyster Cynrychiolwyr Iechyd a Diogelwch
Llwybr Cymwysterau i Gynrychiolwyr Iechyd a Diogelwch (Lefel 1) Gall cynrychiolwyr sy’n cwblhau’r ddwy ran yng nghwrs Cam 1 i Gynrychiolwyr Iechyd a Diogelwch (rhan A a rhan B), yn ogystal â chyflwyno’r dystiolaeth angenrheidiol o gyflawniad, gael Tystysgrif Lefel 1 i Gynrychiolwyr Iechyd a Diogelwch Undebau Llafur, sy’n gymhwyster a gydnabyddir yn genedlaethol. Agored Cymru yw’r corff dyfarnu ar gyfer y cymhwyster hwn.
- Cynrychiolwyr Dysgu Undebau – Cam 1
Hyd: 4 diwrnod
Mae’r cwrs cynefino cychwynnol 4 diwrnod hwn ar gyfer pob Cynrychiolydd Dysgu Undebau newydd ac unrhyw un sydd heb gael hyfforddiant o’r blaen.
Er mwyn gallu gweithio’n effeithiol fel cynrychiolydd dysgu undeb, mae angen i chi feithrin gwybodaeth a dealltwriaeth eang o faterion addysg a hyfforddiant. Mae dealltwriaeth dda o’ch undeb a’ch gweithle yn bwysicach fyth. Mae gwybod gyda phwy i siarad a phryd, pwy sy’n gwneud y penderfyniadau a sut, a pha bolisïau a chanllawiau all helpu, yn hanfodol i Gynrychiolwyr Dysgu Undebau wneud achos llwyddiannus dros aelodau.
Bydd y cwrs hwn yn eich helpu gyda'r canlynol:
deall strwythurau undebau, a sut mae eich undeb yn trefnu o amgylch dysgu
meithrin persbectif eang o rôl Cynrychiolydd Dysgu Undebau
cael gwybod am ddatblygiadau mewn dysgu a gwerthfawrogi materion sy’n effeithio ar ddysgu
gweithio gydag aelodau a chynrychiolwyr eraill i ddiffinio blaenoriaethau
dilyn dull wedi’i gynllunio tuag at eich datblygiad eich hun a datblygiad eich aelodau
datblygu’r sgiliau i roi achos yr undeb ar ddysgu
gweithio ar y cyd fel rhan o dîm yr undeb
- Modiwlau Cam 2 i Gynrychiolwyr Undebau - Diweddariad ar y Gyfraith Cyflogaeth (Uwch)
Mae’r cyrsiau hyn yn addas i gynrychiolwyr sydd eisoes wedi cwblhau Cam 1 i Gynrychiolwyr Undebau (neu hyfforddiant cyfatebol undebau).
Hyd: 4 diwrnod
Bydd y cwrs hwn yn eich helpu i fod yn ymwybodol o rai o’r newidiadau allweddol i'r gyfraith cyflogaeth a roddwyd ar waith o ganlyniad i’r Ddeddf Hawliau Cyflogaeth newydd. Bydd hefyd yn adnewyddu ac yn ymestyn eich gwybodaeth am y gyfraith cyflogaeth, gan gynnwys contractau cyflogaeth. Bydd yn eich helpu i fanteisio i’r eithaf ar gyfleoedd newydd i sicrhau gwelliannau i’ch aelodau.
Bydd y cwrs yn eich helpu gyda’r canlynol:
- Deall hawliau cyflogaeth o dan y Ddeddf Hawliau Cyflogaeth newydd, ac atgoffa eich hun o ddeddfau cyflogaeth perthnasol eraill
- Deall sut mae aelodau’n cael eu gwarchod rhag diswyddo annheg
- Gwarchod aelodau rhag achosion posibl o fynd yn groes i hawliau cyflogaeth
- Deall rheolau newydd ynghylch gweithredu diwydiannol
- Gloywi eich gwybodaeth am wahanol fathau o statws cyflogaeth a chontractau cyflogaeth, a ffyrdd y gellir amrywio contractau cyflogaeth
- Ystyried pam nad yw undebau llafur yn dibynnu ar y gyfraith i sicrhau gwelliannau i aelodau a dod o hyd i gyfleoedd
- Modiwlau Cam 2 i Gynrychiolwyr Undebau - Cydfargeinio a Negodi (Uwch)
Mae’r cyrsiau hyn yn addas i gynrychiolwyr sydd eisoes wedi cwblhau Cam 1 i Gynrychiolwyr Undebau (neu hyfforddiant cyfatebol undebau).
Hyd: 2 ddiwrnod
Bydd y cwrs hwn yn eich helpu i ddatblygu eich sgiliau cydfargeinio a negodi i’ch helpu i sicrhau gwelliannau i’ch aelodau.
Bydd y cwrs yn eich helpu gyda’r canlynol:
- Deall gwahanol fathau o gytundebau cydfargeinio, a dod o hyd i gyfleoedd i sicrhau gwelliannau i aelodau
- Dyfnhau eich dealltwriaeth o gydnabod undebau llafur, a chytundebau cydnabod undebau llafur
- Deall technegau a strategaethau effeithiol i negodi gyda rheolwyr
- Paratoi cynlluniau negodi
- Modiwlau Cam 2 i Gynrychiolwyr Undebau - Gloywi Gwybodaeth a Sgiliau (Uwch)
Mae’r cyrsiau hyn yn addas i gynrychiolwyr sydd eisoes wedi cwblhau Cam 1 i Gynrychiolwyr Undebau (neu hyfforddiant cyfatebol undebau).
Hyd: 4 diwrnod
Cwrs i gynrychiolwyr profiadol yw hwn, a bydd yn eich helpu i ddiweddaru ac ehangu eich gwybodaeth a’ch sgiliau wrth ymgynghori'n effeithiol a nodi pryderon blaenoriaethol i weithredu arnynt yn eich gweithle. Yn ogystal â magu eich hyder i gynllunio’n effeithiol ar gyfer newid yn y gweithle, bydd hefyd yn eich helpu i gydweithio â chynrychiolwyr eraill fel tîm undeb, ac i gyfathrebu’n effeithiol ag aelodau.
Bydd y cwrs yn eich helpu gyda’r canlynol:
- Deall gwahanol rolau cynrychiolwyr, a sut maen nhw’n gweithio gyda’i gilydd i greu tîm undeb effeithiol
- Canfod a deall effeithiau newidiadau yn y gweithle nawr ac yn y dyfodol
- Deall arferion gorau wrth ymgynghori, a sut i gael gwybod pa bryderon sy’n flaenoriaeth i aelodau
- Creu dadl effeithiol dros welliannau yn y gweithle er mwyn mynd i’r afael â phryderon blaenoriaethol aelodau
- Cyfathrebu’n fwy effeithiol ag aelodau
- Cam 2 i Gynrychiolwyr Iechyd a Diogelwch – (rhannau A a B)
Cam 2 i Gynrychiolwyr Iechyd a Diogelwch
Hyd: 5 diwrnodY cwrs 5 diwrnod newydd hwn yw rhan gyntaf cwrs uwch Cam 2 TUC Cymru ar gyfer Cynrychiolwyr Iechyd a Diogelwch. Mae’n addas ar gyfer cynrychiolwyr profiadol sydd eisoes wedi cwblhau cwrs Cam 1 ar Iechyd a Diogelwch (neu gwrs cyfatebol yr undeb), ac sy’n dymuno datblygu eu sgiliau a’u gwybodaeth i’r lefel nesaf.
Bydd y cwrs yn eich helpu gyda’r canlynol:
- Pennu pa bryderon iechyd a diogelwch yn y gweithle sy’n flaenoriaeth, a mynd i’r afael â’r pryderon hynny
- Adolygu a gwella polisïau iechyd a diogelwch yn y gweithle
- Deall sut mae newidiadau yn y gweithle yn gallu creu problemau iechyd a diogelwch, a sut mae mynd i’r afael â’r problemau hyn
- Deall y gofynion cyfreithiol ar gyfer ymgynghori a sut gellir gwella trefniadau yn y gweithle
- Asesu gwahanol ffynonellau gwybodaeth am iechyd a diogelwch, a datblygu cynllun i ddiweddaru eich gwybodaeth a’ch sgiliau eich hun
Cam 2 i Gynrychiolwyr Iechyd a Diogelwch
Hyd: 5 diwrnod
Dyma ail fodiwl cwrs uwch Cam 2 TUC Cymru ar gyfer Cynrychiolwyr Iechyd a Diogelwch. Mae’n addas i gynrychiolwyr profiadol sydd eisoes wedi cwblhau cwrs Cam 1 ar Iechyd a Diogelwch (neu gwrs cyfatebol yr undeb), sy’n dymuno datblygu eu sgiliau a’u gwybodaeth i’r lefel nesaf. Dylech gwblhau Rhan A cwrs Cam 2 i Gynrychiolwyr Iechyd a Diogelwch cyn cofrestru ar gyfer Rhan B.
Bydd y cwrs yn eich helpu gyda’r canlynol:
- Datblygu cynlluniau negodi, a mynd ati i negodi’n hyderus ac yn effeithiol â chyflogwyr ar faterion iechyd a diogelwch
- Datblygu dealltwriaeth ddyfnach o ddeddfwriaethau a safonau iechyd a diogelwch yn y gweithle
- Paratoi cynnig am fesurau i wella iechyd a diogelwch yn y gweithle
- Gallu adolygu’r gweithdrefnau presennol ar gyfer asesu risg, nodi cryfderau a gwendidau, ac argymell gwelliannau
Llwybr Cymwysterau i Gynrychiolwyr Iechyd a Diogelwch (Lefel 2)
Gall cynrychiolwyr sy’n cwblhau dau fodiwl cwrs Cam 2 i Gynrychiolwyr Iechyd a Diogelwch (Rhan A a Rhan B) ennill Tystysgrif Lefel 2 i Gynrychiolwyr Iechyd a Diogelwch Undebau Llafur – cymhwyster sy’n cael ei gydnabod yn genedlaethol a’i ddyfarnu gan Agored Cymru.
- Cynrychiolwyr Dysgu Undebau – Cam 2
Hyd: 4 diwrnod
Mae’r cwrs 4 diwrnod hwn wedi’i gynllunio ar gyfer Cynrychiolwyr Dysgu Undebau sydd eisoes wedi cwblhau cwrs Cynrychiolwyr Dysgu Undebau – Cam 1. Mae’n parhau ac yn ymestyn yr hyfforddiant hanfodol craidd i Gynrychiolwyr Dysgu Undebau. Mae’n adeiladu ar yr wybodaeth a’r sgiliau o gwrs Cam 1, yn ogystal â’ch profiadau eich hun fel Cynrychiolydd Dysgu Undebau yn y gweithle. Ei nod yw rhoi rhagor o wybodaeth, hyder a sgiliau i chi o ran datblygu eich rôl ymhellach a hyrwyddo dysgu dan arweiniad undebau i bawb yn eich gweithle.
Bydd y cwrs hwn yn eich helpu gyda'r canlynol:
- datblygu dull undebau llafur o adeiladu cydraddoldeb a mynd i’r afael ag anghydraddoldebau drwy ddysgu
- deall niwroamrywiaeth yng nghyd-destun dysgu
- deall a mynd i’r afael â rhwystrau penodol i ddysgu y mae aelodau yn eu hwynebu
- paratoi i drafod dysgu yn y gweithle dan arweiniad undebau, gan gynnwys cytundebau dysgu
- nodi newidiadau yn y gweithle nawr ac yn y dyfodol, a pha effaith y maent yn eu cael ar anghenion dysgu
- canfod ffynonellau cyllid ar gyfer dysgu
Llwybr Cymwysterau Cynrychiolwyr Dysgu Undebau Llafur
Gall Cynrychiolwyr Dysgu Undebau sy’n cwblhau’r cwrs Cynrychiolwyr Dysgu Undebau – Cam 1, yn ogystal â chyflwyno’r dystiolaeth angenrheidiol o gyflawniad, gael Dyfarniad Lefel 1 ar gyfer Cynrychiolwyr Dysgu Undebau Llafur. Ar ôl i chi gwblhau Cynrychiolwyr Dysgu Undebau – Cam 2 yn llwyddiannus, gallwch gael Dyfarniad Estynedig Lefel 1 ar gyfer Cynrychiolwyr Dysgu Undebau Llafur. Agored Cymru yw’r corff dyfarnu ar gyfer y cymwysterau hyn.
Os gwnaethoch chi gwblhau eich cwrs Cynrychiolwyr Dysgu Undebau – Cam 1 cyn mis Mehefin 2024, mae hi’n bosibl eich bod wedi cael credydau drwy gorff dyfarnu gwahanol (NOCN). Yn yr achos hwn, mae hi’n bosibl gwneud cais am ‘gydnabod dysgu blaenorol’ gydag Agored er mwyn gallu cydnabod y credydau blaenorol tuag at y Dyfarniad Estynedig. Gall eich tiwtor a darparwr eich cwrs roi mwy o gyngor a gwybodaeth am y broses hon a byddant yn gallu cynnig cymorth pellach.
- Deallusrwydd Artiffisial a Thechnoleg Ddigidol yn y Gweithle
Hyd: 2 diwrnod
Nod y cwrs 2 diwrnod newydd hwn yw helpu i godi ymwybyddiaeth o ba effaith y mae deallusrwydd artiffisial (AI) a thechnolegau digidol eraill yn ei chael nawr, a pha effaith y gallent ei chael ar weithwyr yn y dyfodol. Bydd yn eich helpu i ystyried pa fesurau diogelu ddylai fod ar waith i sicrhau nad yw cyflwyno technolegau newydd yn arwain at effeithiau negyddol ac y gellir gwireddu manteision cadarnhaol posibl i weithwyr.
Erbyn diwedd y cwrs byddwch yn gallu gwneud y canlynol:
Deall effaith deallusrwydd artiffisial a thechnolegau digidol eraill ar fyd gwaith
Nodi mathau penodol o ddeallusrwydd artiffisial a thechnolegau digidol sy’n cael eu defnyddio yn eu gweithle eu hunain a rhai o’r canlyniadau posibl y gallai’r rhain eu cael ar eich aelodau
Deall sut y gellir defnyddio deddfwriaeth, cytundebau a strwythurau presennol yn effeithiol i herio arferion gwael wrth roi deallusrwydd artiffisial a thechnolegau digidol ar waith
Datblygu cynllun gweithredu ar gyfer eich gweithle chi
Mae’r cwrs hwn wedi’i anelu at bob cynrychiolydd ac nid oes angen unrhyw wybodaeth flaenorol.
- Gwneud y Gweithle’n fwy Gwyrdd – Sgiliau Cynrychiolwyr Gwyrdd
Hyd: 3 diwrnod
Mae’r cwrs hwn wedi’i anelu at gynrychiolwyr gwyrdd/amgylcheddol a phrofiadol yn ogystal ag undebwyr llafur eraill sydd am gymryd camau ymarferol i fynd i'r afael â’r argyfwng hinsawdd a natur yn eu gweithle.
Mae’r cwrs yn ymdrin â’r canlynol:
Deall yr argyfwng hinsawdd a natur a nodi effaith hynny ar eich gweithle
Gweithio gyda’r gangen ac aelodau i ganfod materion cynaliadwyedd y mae angen eu codi â’r rheolwyr
Sut mae cynnal archwiliadau amgylcheddol
Sut mae adolygu a datblygu polisïau a chytundebau amgylcheddol y gweithle
Rôl undebau mewn datblygu cynaliadwy
Dulliau undebau llafur o weithredu a sicrhau bod gweithwyr yn cael llais teg yn y gwaith o lunio newidiadau sy’n effeithio arnynt – gan gynnwys cytundebau ‘trawsnewid cyfiawn’
Sut i ddatblygu cynllun gweithredu ar gyfer eich gweithle chi
- Bod yn Drefnus o Dan Straen – O Wydnwch i Wrthsefyll
Hyd: 3 diwrnod
Mae’r cwrs 3 diwrnod hwn wedi’i gynllunio i helpu cynrychiolwyr i fod yn drefnus o dan straen sy’n gysylltiedig â gwaith. Mae gwydnwch yn aml yn cael ei ddefnyddio i awgrymu bod angen i unigolyn fod yn gryfach yn feddyliol a gwrthsefyll straen yn well. Yn anffodus, yn aml gall fod yn enghraifft o sefydliadau’n methu â mynd i’r afael â’r broblem straen sydd wrth wraidd y broblem. Rhaid i gyflogwyr sy’n hyrwyddo'r naratif o 'wydnwch' a chynlluniau hyfforddi cysylltiedig gydnabod bod straen yn aml yn ganlyniad i waith ei hun, sy’n gofyn am newid strwythurau gwaith, yn hytrach na newid yn ymddygiad ac agweddau unigolion.
Nid yw straen yn tueddu i ddigwydd ar hap, mae’n deillio o rhywbeth penodol. Mae ymchwil TUC yn dangos mai’r pethau mwyaf sy’n achosi straen yn y gwaith yw:
Llwyth gwaith (74%)
Toriadau staffio (53%)
Newid yn y gwaith (44%)
Oriau hir (39%)
Bydd y cwrs hwn yn eich helpu gyda’r canlynol:
Canfod beth sy’n achosi gormod o straen a pha effaith y mae hynny’n ei chael
Dysgu mwy am y cysylltiadau rhwng straen ac iechyd meddwl
Deall dyletswyddau cyfreithiol cyflogwyr
Defnyddio’r adnoddau sydd ar gael fel mapio, archwiliadau rheoli straen ac asesiadau risg
Adolygu polisïau a safonau perthnasol a negodi gwelliannau yn y gweithle
Datblygu cynllun gweithredu ar gyfer eich gweithle
- Partneriaeth Gymdeithasol
Hyd: 2 diwrnod
Bydd y cwrs deuddydd newydd hwn yn grymuso cynrychiolwyr i ddefnyddio’r Ddeddf Partneriaeth Gymdeithasol a Chaffael Cyhoeddus newydd er budd aelodau.
Bydd yn helpu i ddatblygu’r wybodaeth, y sgiliau a’r hyder perthnasol i ddatblygu partneriaeth gymdeithasol effeithiol yn eich gweithle.
Bydd y cwrs yn edrych ar yr heriau a’r cyfleoedd a ddaw yn sgil gweithio mewn partneriaeth gymdeithasol, a bydd cynrychiolwyr yn cael cyfle i ddatblygu cynllun gweithredu ymarferol ar gyfer eu gweithle.
Mae achrediad ar gael ar gyfer y cwrs hwn. Cysylltwch â TUC Cymru i gael rhagor o fanylion.
- Mynd i’r afael ag aflonyddu rhywiol a’i atal
Hyd: 3 diwrnod
Bydd y cwrs tri diwrnod newydd hwn yn helpu cynrychiolwyr i fynd i’r afael ag aflonyddu rhywiol yn y gweithle a’i atal.
Bydd yn eich helpu i wneud y canlynol:
Adnabod aflonyddu rhywiol a deall yr effeithiau
Deall cyfrifoldebau cyfreithiol cyflogwyr (gan gynnwys y ddyletswydd ataliol newydd)
Negodi polisïau effeithiol ar gyfer y gweithle
Cefnogi aelodau y mae aflonyddu rhywiol yn effeithio arnynt
Datblygu cynllun gweithredu ar gyfer eich gweithle
- Anabledd yn y Gweithle
Hyd: 3 diwrnod
Mae’r cwrs tri diwrnod newydd hwn ar gyfer pob cynrychiolydd sydd eisiau gwella cydraddoldeb i bobl anabl yn y gweithle a mynd i’r afael â gwahaniaethu.
Bydd yn ymdrin â'r canlynol:
Gwahaniaethu ar sail anabledd a sut mae’n effeithio ar aelodau
Y model cymdeithasol o anabledd
Cyfrifoldebau cyfreithiol cyflogwyr o dan Ddeddf Cydraddoldeb 2010
Addasiadau rhesymol
Cefnogi aelodau sydd ag ‘anableddau cudd’
Polisïau effeithiol ar gyfer y gweithle
Datblygu eich cynllun gweithredu eich hun ar gyfer y gweithle
- Sgiliau Siarad Cyhoeddus ar gyfer Cynrychiolwyr Undebau
Mae disgrifiad o'r cwrs ar y gweill
- Niwroamrywiaeth yn y Gweithle
Mae disgrifiad o'r cwrs ar y gweill
- Cynrychiolwyr Cydraddoldeb
Mae disgrifiad o'r cwrs ar y gweill
- Gender Sensitive Health and Safety
Mae disgrifiad o'r cwrs ar y gweill
Pecynnau cymorth
Mae TUC Cymru wedi cynhyrchu nifer o becynnau cymorth y gellir eu defnyddio yn y gweithle i helpu gydag amrywiol feysydd cydraddoldeb, dysgu yn y gweithle a materion amgylcheddol. Edrychwch ar y pecynnau a’u llwytho i lawr yma
Canllawiau rhyngweithiol
Mae gennym ddarnau bach o ddeunyddiau dysgu a chyrsiau hirach ar gael. Mae pob deunydd dysgu yn hunangynhwysol ac yn cynnwys casgliad o destunau, fideos a chwisiau. Maen nhw’n para rhwng 20 a 45 munud, a gellir troi eich sylw atyn nhw gynifer o weithiau ag y dymunwch. Ein canllawiau rhyngweithiol
Gweminarau
Mae ein gweminarau ar faterion penodol yn y gweithle yn adnodd hyfforddi gwerthfawr i gynrychiolwyr ac aelodau. Cofrestrwch ar gyfer ein digwyddiadau sydd ar y gweill, neu gwyliwch ein gweminarau blaenorol
Rhwydweithiau
Mae gennym nifer o rwydweithiau gweithredol lle gallwch gael yr wybodaeth ddiweddaraf yn rheolaidd am faterion pwysig yn y gweithle. Maen nhw hefyd yn darparu cyfleoedd parhaus i rwydweithio a rhannu profiadau gyda chynrychiolwyr eraill y tu hwnt i’r ystafell ddosbarth.
Mae rhagor o wybodaeth ar gael am ein Rhwydwaith Gweithleoedd Gwyrddach a Rhwydwaith Cynrychiolwyr Dysgu’r Undebau. Rydym yn bwriadu lansio rhwydwaith newydd o gynrychiolwyr iechyd a diogelwch yn ystod gwanwyn/haf 2024. Bydd rhagor o fanylion yn cael eu hychwanegu at y dudalen hon cyn bo hir.
Cyfeiriadur cyrsiau: Fersiwn PDF
Mae’r PDF hwn yn cynnwys crynodeb o ddyddiadau pob cwrs - hwylus i’w roi ar hysbysfyrddau.