Dathlu ehangu ein gwasanaethau Cymraeg ar Ddydd Gŵyl Dewi

Yn TUC Cymru roeddem yn falch i lansio ein Cynnig Cymraeg llynedd. Mae’r Cynnig yn nodi’r hyn y gallwch ddisgwyl ei gael yn Gymraeg wrth gyfathrebu â TUC Cymru.

Heddiw, ar ddiwrnod ein nawdd sant, mae TUC Cymru yn falch i lawnsio ein ‘Gwasanaeth Cyfarch Dwyieithog ar y Ffôn’.

Fe gewch eich cyfarch ar y ffôn gan ddysgwr Cymraeg, siaradwr Cymraeg iaith gyntaf neu gan aelod di-Gymraeg o’r tîm yng Nghymru sy’n falch i ymroi i wasanaethu undebau, aelodau, rhanddeiliaid a’r cyhoedd yn ddwyieithog.

Mi allwn ddelio gyda’ch ymholiad un ai yn y Gymraeg neu’r Saesneg, a gall aelod o’r tîm eich galw yn ôl er mwyn siarad Cymraeg gyda chi os bydd angen gwneud hynny.

Sefyll dros ein hawliau

Mae TUC Cymru yn sefyll dros hawliau siarad Cymraeg yn y gweithle a thros hawliau derbyn gwasanaethau Cymraeg yn y trydydd sector, gan adeiladu ar yr hawliau i ddefnyddio’r iaith Gymraeg wrth ddelio gyda chyrff cyhoeddus.

Wedi’r cyfan, mae cynnig a derbyn gwasanaethau drwy gyfrwng y Gymraeg yn fater o gydraddoldeb yng Nghymru a gofynnwn i bawb wneud eu rhan i barhau i ddatblygu a defnyddio gwasanaethau Cymraeg.

Cofrestrwch eich diddordeb mewn ymuno â’r Fforwm y Gymraeg

Ehangu ein gwasanaeth yw ein ffordd ni i ddathlu Dydd Gŵyl Dewi Sant, ein traddodiadau Cymreig a’n hiaith Gymraeg. Chwifiwn faner yr iaith Gymraeg ar Ddydd ein nawddsant a chofiwn mai mewn undod mae nerth!