Dyddiad cyhoeddi
Mae Cronfa Ddysgu Undebau Cymru (WULF) wedi bod yn trawsnewid bywydau pobl ers 25 o flynyddoedd.

Mae WULF yn fenter sy’n cael ei hariannu gan Lywodraeth Cymru ac sy’n gwneud dysgu yn y gweithle yn decach ac yn fwy hygyrch. Dros y 25 mlynedd diwethaf, mae wedi newid gyrfaoedd a bywydau miloedd o weithwyr, ac wedi creu diwylliant o ddysgu mewn gweithleoedd.

Ers 1999, mae WULF wedi helpu degau o filoedd o weithwyr yng Nghymru drwy hyfforddiant, cymorth iechyd a llesiant a sgiliau cyflogadwyedd. Mae dros 200 o brosiectau oedd yn cael eu harwain gan undebau llafur wedi cael eu cynnal ar draws gweithleoedd, o Tata Steel a Dŵr Cymru i gynghorau a byrddau iechyd.
 

Workers in Wales more likely to receive in-work training 

 Mae ystadegau’r Swyddfa Ystadegau Gwladol yn dangos bod canran y gweithwyr sy’n cael hyfforddiant sy’n gysylltiedig â’u gwaith wedi aros yn gyson ar 16% dros y 25 mlynedd ers lansio WULF. 

Fodd bynnag, fe wnaeth dadansoddiad manylach o hyfforddiant mewn gwaith yng Nghymru gan academyddion ym Mhrifysgol Caerdydd ganfod fod gweithwyr yn fwy tebygol o gael hyfforddiant mewn gwaith na'u cymheiriaid yng ngwledydd eraill y DU. Ond bu gostyngiad ym mha mor ddwys oedd yr hyfforddiant. Mae hyn yn golygu bod hyd cyfartalog yr amser mewn hyfforddiant wedi gostwng. 

Greater investment in workplace learning is needed 

Dywedodd Shavanah Taj, Ysgrifennydd Cyffredinol TUC Cymru: “Mae’r tueddiadau o ran hyfforddiant mewn gwaith yn peri pryder. Mae angen yr hyfforddiant hwn ar weithwyr i allu gwneud eu gwaith yn hyderus ac yn dda, felly os oes llai o amser yn cael ei dreulio ar hyn, dylai canu clychau larwm. 

“Mae Cronfa Ddysgu Undebau Cymru yn mynd i’r afael â hyn drwy rymuso gweithwyr i gytuno ar gynigion hyfforddiant yn y gweithle gyda’u cyflogwr. Dyma sy’n ei wneud yn unigryw – mae undebau llafur, ar ran y gweithlu, yn gallu sicrhau bod anghenion gweithwyr hefyd yn cael eu diwallu drwy negodi â phenaethiaid. 

“Dyma pam mae wedi bod yn llwyddiannus iawn o ran creu cynigion hyfforddiant yn y gweithle sy’n denu pobl sy’n llai tebygol o gymryd rhan mewn addysg i oedolion. Mae hefyd yn denu’r rhai hynny sy’n wynebu mwy o risg o wahaniaethu yn y gwaith.” 

Dysgwch sut gallwch chi gymryd rhan ym mhrosiectau WULF

Cyfleoedd i symud ymlaen sy’n cael eu hariannu gan WULF   

 Mae hyn yn cyd-fynd â phrofiad Pru Orridge, un o weithwyr CThEF o Gaerdydd. Ymunodd â’r cwrs ‘Proffiliau Llwyddiant’ a gafodd ei ariannu ar y cyd gan ei chyflogwr a phrosiect WULF undeb llafur yr FDA.  Nod y cwrs yw gwella cyfleoedd ar gyfer camu ymlaen mewn swydd drwy ddarparu sgiliau cyfweld sydd wedi’u teilwra i’r gwasanaeth sifil.

Ymunodd Pru â CThEF yn wreiddiol fel cynorthwyydd gweinyddol yn 2005. Gyda chymorth yr hyfforddiant, cafodd ei dyrchafu’n gyflym i swyddi uwch. Yn 2021, daeth yn Arweinydd Twyll Tollau yn y Gwasanaeth Ymchwiliadau Twyll, maes yn y gwasanaeth sifil lle mae gweithwyr lleiafrif ethnig yn cael eu tangynrychioli.

Dywedodd Pru Orridge: “Rydw i wedi elwa’n fawr o wneud yr hyfforddiant hwn. O ganlyniad i’r sesiynau, fy sgiliau cyfweld yw fy maes cryfaf. Diolch i’r hyfforddiant, rydw i’n gwybod beth mae fy nghyflogwr yn chwilio amdano.”

I Pru, mae’r hyfforddiant hefyd yn gyfle gwych i feithrin hyder gweithwyr sy’n cael eu tangynrychioli yn y gwasanaeth sifil, yn enwedig menywod a phobl o leiafrifoedd ethnig mewn swyddi arwain.

Ychwanegodd Pru: “Fel menywod, rydyn ni’n gallu teimlo’n annigonol, ac mae hyn yn parhau unwaith i chi gael swydd arwain. Unwaith y bydd gennych chi’r hyder hwnnw, mae’n gwneud cymaint o wahaniaeth.” 

“Mae’r sesiynau hefyd wedi bod yn hwb mawr i aelodau’r Rhwydwaith RACE yma yng Nghymru. Maent wedi rhoi’r sgiliau i’r aelodau ddatblygu eu gyrfaoedd. Rwy’n hyderus y gallwn symud tuag at sicrhau cydraddoldeb yn y gwasanaeth sifil.”

Darllenwch fwy am sut mae WULF wedi helpu Pru i gamu ymlaen yn ei gyrfa

Dysgu iaith sy’n cael ei ariannu gan WULF

Mae WULF hefyd wedi arwain at weithwyr yn y sector gofal cymdeithasol yn ennill sgiliau newydd. Mae gweithwyr gofal yn cael eu dysgu i ddefnyddio Iaith Arwyddion Prydain (BSL) drwy gwrs newydd. Mae hyn yn cael ei gyflawni gan brosiect WULF UNSAIN Cymru a chyflogwr y gweithwyr gofal, Innovate Trust.

Dywedodd un gweithiwr gofal a gymerodd ran yn y cwrs Iaith Arwyddion Prydain: “Ers gwneud y cwrs, rydw i wedi gallu cyfathrebu’n well â’r bobl rydw i’n gofalu amdanyn nhw.

“Gydag un dyn rydw i’n ei gefnogi, gallwch chi weld wrth y wên ar ei wyneb, ei fod yn gwerthfawrogi ac nad yw’n teimlo mor ynysig.”
Dywedodd cyfranogwr arall: “Roeddwn i eisiau gwneud hyn oherwydd bod gennym ni lawer o gleientiaid sydd ag anawsterau clywed a nam ar eu lleferydd.

“Mae hyn yn ei gwneud yn anodd iddyn nhw gael eu deall. Mae’n gadael i mi siarad â phawb na fyddwn i fel arfer yn gallu cyfathrebu â nhw. Rydw i’n gallu cael sgwrs iawn gyda nhw a deall yn union beth maen nhw ei angen a beth maen nhw ei eisiau.”

Dywedodd ysgrifennydd rhanbarthol UNSAIN Cymru, Jess Turner: “Mae WULF yn chwarae rhan hollbwysig yn natblygiad gweithwyr ar draws Cymru ac mae UNSAIN wedi bod wrth galon hyn erioed.

“Does dim ond rhaid i chi edrych ar brosiectau fel y cwrs arobryn a gynhaliwyd gennym ni gyda’r Innovate Trust i ddarparu Iaith Arwyddion Prydain i staff gofal i weld sut mae gan WULF y pŵer i drawsnewid bywydau gweithwyr gwasanaethau cyhoeddus a’r unigolion maen nhw’n eu cefnogi bob dydd.

“Mae’n anrhydedd i UNASON chwarae rhan mor allweddol yn WULF ac rydym ni’n edrych ymlaen at gefnogi dysgu a datblygu llawer mwy o weithwyr yn y blynyddoedd i ddod.”

Darllenwch fwy am y gwahaniaeth a wnaeth dysgu BSL i weithwyr gofal Innovate Trust 

Balchder mewn 25 mlynedd o WULF

Dywedodd Shavanah Taj: “Mae’n amlwg bod WULF o fudd i weithwyr, eu cyflogwyr a chymdeithas yn ehangach. Mae buddsoddiad parhaus Llywodraeth Cymru dros y chwarter canrif diwethaf yn dyst i hyn a’u cefnogaeth i ddysgu dan arweiniad undebau llafur.

“Rydw i’n hynod falch o’r gwahaniaeth y mae undebau wedi’i wneud i fywydau cynifer o weithwyr drwy WULF. Mae buddsoddi mewn dysgu yn y gweithle dan arweiniad undebau llafur yn allweddol i ddatgloi gyrfaoedd gwych. Gyda chynnydd mewn cyllid, gallem ni wneud llawer mwy i drawsnewid dysgu yn y gweithle a bywydau pobl.”  

Pru Orridge, un o weithwyr CThEF o Gaerdydd. Ymunodd â’r cwrs ‘Proffiliau Llwyddiant’ a gafodd ei ariannu ar y cyd gan ei chyflogwr a phrosiect WULF undeb llafur yr FDA.
Pru Orridge, un o weithwyr CThEF o Gaerdydd. Ymunodd â’r cwrs ‘Proffiliau Llwyddiant’ a gafodd ei ariannu ar y cyd gan ei chyflogwr a phrosiect WULF undeb llafur yr FDA.

“Rydw i wedi elwa’n fawr o wneud yr hyfforddiant hwn. O ganlyniad i’r sesiynau, fy sgiliau cyfweld yw fy maes cryfaf. Diolch i’r hyfforddiant, rydw i’n gwybod beth mae fy nghyflogwr yn chwilio amdano.”