Lansio prosiectau WULF newydd i gefnogi dysgu yn y gweithle yng Nghymru
Yn y rownd hon, bydd 18 o brosiectau newydd yn darparu cyfleoedd dysgu yn y gweithle i filoedd o bobl rhwng nawr a 2025.
Roedd y digwyddiad yn llwyddiant ysgubol ac roedd yn cynnwys cyfraniadau gan brosiectau WULF o’r rownd flaenorol, a oedd yn dangos eu llwyddiannau. Roedd cyflwyniadau a straeon gan undebau CWU, ASELF a GMB yn tynnu sylw at y gwaith unigryw mae WULF yn ei wneud mewn cannoedd o weithleoedd ledled Cymru.
Mae holl weithwyr Cymru yn cael cyfle i wneud cais i’r gronfa er mwyn manteisio ar y cymorth, y cyngor a’r arweiniad a’r cynigion hyfforddi a ddarperir drwy brosiectau WULF.
Dysgwch sut gallwch chi gael cymorth gan yr 18 prosiect WULF newydd ar gyfer 2022-2025.
Cafodd y digwyddiad ei noddi gan Vaughan Gething, Gweinidog yr Economi, a siaradodd i dynnu sylw at y rhesymau pam mae Llywodraeth Cymru yn parhau i gefnogi’r rhaglen:
“Roedd WULF wedi sicrhau canlyniadau cadarnhaol i weithwyr yn ystod yr amodau heriol iawn a gafodd eu creu gan bandemig y coronafeirws, ac rydw i eisiau gweld y llwyddiant hwnnw’n parhau wrth i ni drawsnewid i economi wyrddach sy’n fwy ffyniannus i bawb”
Gwyliwch araith y Gweinidog wrth iddo lansio’r prosiectau WULF newydd.
Siaradodd ein Hysgrifennydd Cyffredinol, Shavanah Taj, yn y digwyddiad hefyd a diolchodd i’r undebau, staff y prosiect a’r gwirfoddolwyr sy’n gwneud y rhaglen mor llwyddiannus:
“Rydyn ni’n croesawu tair blynedd arall o WULF ac rydyn ni’n edrych ymlaen at gyflawni rhagor o brosiectau cyffrous i baratoi gweithluoedd Cymru ar gyfer trawsnewid gwyrdd, cyfiawn sy’n gynhwysol ac yn deg i bawb”
Dathlu llwyddiant WULF 2019-2022
Yn ogystal â lansio’r 18 prosiect newydd, roedd ein digwyddiad yn gyfle i dynnu sylw at lwyddiannau allweddol prosiectau a ddarparwyd gan undebau llafur dros y tair blynedd diwethaf.
Darllenwch fwy am lwyddiant rhaglen WULF 2019-2022
Gwyliwch ddigwyddiad dathlu #WULFWorks yn llawn:
ASLEF
Eglura Emma Penman sut y bu ASLEF yn gweithio ar greu’r brentisiaeth gyntaf erioed i yrwyr trenau yng Nghymru:
Gwyliwch y fideo am Gynllun Prentisiaeth Gyrwyr Trên ASLEF yma.
