Beth mae wythnos CaruUndebau yn ei olygu?
Mae wythnos CaruUndebau yn gyfle i ddweud pam fod undebau’n hanfodol i bawb yn y gwaith, yn ogystal ag annog pobl i ymuno ag undeb.
Yn ystod yr wythnos rydym eisiau gwneud dau beth syml:
- dangos pa mor wych yw undebau drwy ddangos popeth rydym yn ei gyflawni i bobl sy’n gweithio – yn enwedig yn ystod y pandemig.
- annog cynifer o bobl â phosibl sydd eisoes yn aelodau o undeb i ofyn i rywun maen nhw’n ei adnabod i ymuno ag un hefyd.
Felly, yn ystod y cyfnod sy’n arwain at wythnos CaruUndebau – ac yn ystod yr wythnos ei hun – byddwn yn rhannu straeon sy’n dangos effaith undebau ac yn rhoi adnoddau i gynrychiolwyr ac aelodau i’w helpu i gael rhagor o bobl i ymuno ag undeb.
Ymunwch â ni
Rydyn ni’n gobeithio y bydd undebau’n cynnal eu hymgyrchoedd CaruUndebau eu hunain, gan dynnu sylw at yr hyn maen nhw wedi’i ennill gyda’u haelodau ac ar eu rhan, ac annog mwy o weithwyr yn eu diwydiannau a’u sectorau eu hunain i ymuno ag undeb.
Rydyn ni wedi cynhyrchu cyfres o daflenni dwyieithog (isod) a baneri cyfryngau cymdeithasol, sydd ar gael i’w llwytho i lawr isod, i’ch helpu i hyrwyddo CaruUndebau yn ystod yr wythnos. Gallwn hefyd ddarparu sticeri, pennau, bathodynnau a thaflenni dwyieithog yn rhad ac am ddim. Cysylltwch â wtuc@tuc.org i osod eich archeb.
Bydd llu o ddigwyddiadau hefyd yn cael eu cynnal. Dewch yn ôl i'r dudalen hon i weld mwy yn fuan.
|
Rhai syniadau ar gyfer gweithgareddau’r wythnos CaruUndebau yn eich gweithle:
Dros y flwyddyn ddiwethaf, mae undebau wedi dangos yn fwy nag erioed pa mor berthnasol ac effeithiol ydyn nhw o ran helpu pobl sy’n gweithio. Ymunwch â ni yn ystod wythnos CaruUndebau i gyhoeddi’n uchel ac yn falch – mae ar bob gweithiwr angen undeb. |
