Cwpan y Byd Qatar – Datganiad TUC Cymru ar weithwyr mudol a phobl LHDTC+
Ers hynny, mae undebau wedi bod yn ymgyrchu dros newidiadau i’r gyfraith yn Qatar. Gwelwyd enillion sylweddol o ran gwelliannau i gyfreithiau hawliau llafur – a allai ddarparu hawliau diogelu ychwanegol pwysig i weithwyr.
Er hynny, mae TUC Cymru yn poeni am adroddiadau parhaus am gam-drin gweithwyr mudol.
Mae adroddiad newydd gan y TUC wedi canfod tystiolaeth nad yw’r cyfreithiau newydd yn cael eu gweithredu’n llawn. Mae’r adroddiad yn cynnwys tystiolaeth sy’n ymwneud â:
- Dwyn cyflog a thâl tlodi
- Ffioedd recriwtio anghyfreithlon
- Cyfyngu ar y rhyddid i newid swyddi
- Anawsterau o ran mynediad at gyfiawnder
Mae TUC Cymru yn cydnabod y camau a gymerwyd hyd yma i wella’r sefyllfa ac mae’n galw ar awdurdodau Qatar i gwblhau’r gwaith. Rydyn ni eisiau gweld y gwelliannau canlynol:
- Codi’r isafswm cyflog
- Mwy o orfodi ar gyfreithiau llafur
- Gwella’r system mynediad at gyfiawnder
- Pwyllgorau cyd-weithwyr gorfodol ar gyfer pob cwmni a gweithio tuag at sefydlu’r hawl i weithwyr gael y rhyddid i ddewis ymuno â sefydliad o’u dewis
Rydym hefyd yn cefnogi:
- Galw am ganolfan annibynnol i weithwyr mudol gan y BWI
- Human Rights Watch yn galw ar awdurdodau FIFA a Qatar i ymrwymo’n gyhoeddus i ddarparu iawndal i weithwyr a’u teuluoedd a ddioddefodd niwed difrifol wrth weithio i wneud Cwpan y Byd yn bosibl
Rydym yn croesawu'r ffaith i
- Weinidogion Cymreig cyfarfod â'r TUC Rhyngwladol i dderbyn sesiwn friffio ar y materion hyn ochr yn ochr â Chymdeithas Bêl-droed Cymru
- Weinidogion Cymreig codi mater hawliau llafur a hawliau dynol gydag awdurdodau Qatari
Rydym yn cefnogi parhau i drafod o'r fath ar y materion hyn.
Yn ogystal â hynny, hoffem sicrhau diogelwch a thriniaeth deg i bobl LHDTC+. Mae bod yn hoyw yn anghyfreithlon yn Qatar, ac er i Lywodraeth Qatar gyhoeddi bod ‘croeso i bawb’, rydyn ni eisiau gweld sicrwydd bod croeso i bobl LHDTC+ yno, a’u bod yn cael bod yn nhw’u hunain yn Qatar.
Rydyn ni’n falch o dîm Cymru yn cystadlu yng Nghwpan y Byd am y tro cyntaf ers 64 o flynyddoedd ac rydyn ni’n sefyll gyda’r rheini sy’n ceisio sicrhau cyfiawnder cymdeithasol. Mae TUC am hyrwyddo Cymru flaengar agored sydd wedi ymrwymo i werthoedd cynhwysiant a chydraddoldeb.