Yn ystod y pandemig hwn, mae’n bosibl bod gwasanaethau cynnal hanfodol wedi cael eu symud ar-lein, eu gohirio neu eu canslo, a gall yr effaith fod yn ddinistriol. Rydym ni wedi paratoi canllaw ar rai o’r problemau sy'n wynebu pobl LHDT+ yng Nghymru, a’r camau y gall gweithleoedd eu cymryd i wneud gwaith yn well.
Mae Adran 44 o Ddeddf Hawliau Cyflogaeth 1996 yn rhoi hawl i weithwyr adael gweithle sy'n anniogel a gwrthod dychwelyd.
Mae sawl enghraifft o ganghennau undebau yn cerdded allan gan ddyfynnu’r ddeddf hon.
Os ydych chi’n teimlo bod eich gweithle’n anniogel oherwydd Covid-19, dylech gysylltu â thîm cyfreithiol eich undeb am gyngor ar frys.
Deddf Cydraddoldeb 2010 yw’r darn o ddeddfwriaeth allweddol sy’n ymdrin â gwahaniaethu yn y gweithle. Mae’n gwarchod gweithwyr rhag gwahaniaethu ar sail oedran, rhywedd, anabledd, hil, crefydd neu gred, cyfeiriadedd rhywiol, priodas neu bartneriaeth sifil, beichiogrwydd neu famolaeth, neu ailbennu rhywedd.
Mae Deddf Cydraddoldeb 2010 yn diffinio cyfeiriadedd rhywiol fel cyfeiriadedd rhywiol rhywun tuag at—
(a) pobl o’r un rhyw,
(b) pobl o’r rhyw arall, neu
(c) pobl o'r naill ryw neu’r llall.
Mae’n diffinio ailbennu rhywedd fel—
bwriadu cyflawni, wrthi’n cyflawni neu wedi cyflawni proses (neu ran o broses) i ailbennu ei rywedd drwy newid nodweddion ffisiolegol neu nodweddion eraill ei ryw.
Mae gan gynrychiolwyr undebau ran bwysig i'w chwarae:
I gael mwy o wybodaeth am sut gall y Ddeddf Cydraddoldeb warchod gweithwyr, ewch i wefan EHRC.
Os ydych chi’n feichiog ac yn gweithio, yna mae rhwymedigaeth gyfreithiol ar eich cyflogwr i asesu risgiau’r gweithle i weithwyr beichiog a’u plant heb eu geni, a mamau sy'n bwydo ar y fron sydd wedi dychwelyd i weithio. Mae'r TUC wedi cyhoeddi’r blog hwn ar gyfer gweithwyr beichiog, ac mae’n rhoi mwy o wybodaeth.
Rydym yn argymell bod Llywodraeth Cymru yn gwneud y canlynol:
Rydym yn argymell bod Llywodraeth y DU yn gwneud y canlynol:
Rhaid i’r camau hyn fod yn rhan o strategaeth ehangach i ddiogelu iechyd a diogelwch pobl yn y gweithle, gan gynnwys canllawiau cryfach gan y llywodraeth (wedi’u hategu gan reoliadau) ynghylch y mesurau diogelwch y mae’n rhaid i bob cyflogwr eu hystyried nawr a phwerau newydd (drwy rwydwaith tridarn, sy'n cynnwys cyflogwyr, undebau a'r Awdurdod Gweithredol Iechyd a Diogelwch) i’r llywodraeth gymell cyflogwyr nad ydynt yn dilyn y camau hyn i gau.
Ydych chi’n poeni nad ydych chi’n gallu aros yn ddiogel rhag y coronafeirws yn eich gweithle? Dywedwch wrthym am eich profiadau drwy ddefnyddio ein ffurflen datgelu.
Byddwn yn rhannu’r wybodaeth am eich pryderon iechyd a diogelwch yn ddienw â Llywodraeth Cymru a’r Awdurdod Gweithredol Iechyd a Diogelwch. Os byddwch yn rhoi caniatâd i rannu eich manylion, byddwn hefyd yn adrodd y mater i’ch undeb llafur ar eich rhan.
Llenwch ein ffurflen pryderon am iechyd a diogelwch
Mae undebau’n helpu pobl i ddod ynghyd, yn atal pobl rhag cael eu trin yn annheg ac yn cael gwell bargen gan eu cyflogwyr.
Maen nhw yno yn ystod cyfnodau anodd – yn rhoi cyngor cyfreithiol am ddim os oes angen. Gall aelodau o undeb fanteisio ar lawer o gynigion a gostyngiadau hefyd. A phob blwyddyn, bydd undebau’n helpu dros 200,000 o bobl i gael gafael ar y cyfleoedd dysgu a hyfforddi sydd eu hangen arnyn nhw i symud ymlaen yn eu gyrfa.
Onid ydy hi’n amser i chi ymuno ag undeb?