Mae TUC Cymru yn cynnal y digwyddiad hwn i dynnu sylw at bwysigrwydd Cynrychiolwyr Dysgu Undebau yn ystod yr adferiad economaidd a sut y gall TUC Cymru gefnogi a chynorthwyo Undebau, Cynrychiolwyr a Chyflogwyr i wneud y gorau o botensial Cynrychiolwyr Dysgu a’u sgiliau.

Bydd cyflwyniadau byr gan y tîm a siaradwyr gwadd o Lywodraeth Cymru a rhanddeiliaid perthnasol, yn ogystal â chyfle i gyfrannu a rhannu arferion gorau.

Mae’r digwyddiad hwn ar agor i Gynrychiolwyr Dysgu Undebau, rheolwyr prosiectau WULF, Swyddogion Canghennau ac unrhyw un sy’n trefnu dysgu ar hyn o bryd neu sydd â diddordeb mewn cymryd rhan mewn Dysgu Undebau.

Ymholiadau i: wulr@tuc.org.uk

Côd Ymddygiad

Mae’r TUC yn ymrwymedig i drefnu gweithgareddau lle y gall pawb gyfrannu ynddyn nhw mewn amgylchedd cynhwysol, parchus a diogel.  Nid oes gan y TUC unrhyw oddefgarwch tuag at unrhyw fath o aflonyddu, gan gynnwys aflonyddu rhywiol.  Ni fydd unrhyw ymddygiadau neu sylwadau ymosodol, sarhaus, bygythiol, amharchus neu annerbyniol yn cael eu goddef.  Mae hyn yn cefnogi’r ymrwymiad a osodwyd yn rheolau’r TUC i hyrwyddo cydraddoldeb i bawb a chael gwared â phob ffurf o aflonyddu, gan gynnwys aflonyddu rhywiol, rhagfarn a gwahaniaethu annheg.  Mae’r polisi hwn yn berthnasol i bob agwedd o gyfathrebu mewn digwyddiad neu mewn cysylltiad â digwyddiad, gan gynnwys postiadau ar y cyfryngau cymdeithasol.  Os oes gennych chi unrhyw bryderon ynglŷn ag ymddygiad yr ydych chi’n dymuno eu trafod, cysylltwch â ni drwy e-bost os gwelwch yn dda: wtuc@tuc.org.uk