Fe Wnawn Ni Dy Gefnogi Di - mae modd atal aflonyddu rhywiol yn y gweithle
Mae aflonyddu rhywiol yn anghywir, ac nid oes lle iddo yn y gwaith, nac yn unman mewn cymdeithas. Gall gynnwys:
- Corfforol – cyffwrdd, pinsio, anwesu, gwasgu.
- Llafar – jôcs, sylwadau neu geisiadau rhywiol.
- Arall – sylw, e-byst neu anrhegion digroeso.
Os yw rhywbeth yn teimlo'n anghywir, siarada gyda dy gynrychiolydd undeb llafur.
Ry'n ni'n byw mewn cymdeithas lle mae'r person sydd wedi profi'r peth ofnadwy yma yn poeni mwy am ei riportio nag y mae'r busnes sydd fod i'w hamddiffyn, na'r person sydd wedi cyflawni'r aflonyddu. Pa mor o chwith yw hynny?
Deddf newydd ar aflonyddu rhywiol yn y gweithle
Ar ôl blynyddoedd lawer o ymgyrchu gan y mudiad undebau llafur a chymdeithas sifil, daeth y Ddeddf Diogelu Gweithwyr i rym ar 26 Hydref 2024. Mae hyn yn golygu y bydd angen i gyflogwyr weithredu mewn modd rhagweithiol ac ataliol er mwyn amddiffyn eu gweithwyr rhag aflonyddu rhywiol yn y gweithle.
Mae’r ddyletswydd yma’n gam pwysig wrth fynd i’r afael ag aflonyddu rhywiol.
Ymgyrch Fe Wnawn Ni Dy Gefnogi Di
Mae mynd i’r afael ag aflonyddu rhywiol ym mhob gweithle yn flaenoriaeth i TUC Cymru.
Dyna pam rydym wedi lansio ymgyrch i godi ymwybyddiaeth ac addysgu gweithwyr am aflonyddu yn y gweithle, hawliau gweithwyr a dulliau riportio.
Rydym eisiau i'r ymgyrch hon helpu i ddileu aflonyddu rhywiol yn y gweithle.
Bydd yr ymgyrch yn:
- Dangos i weithwyr y gallant siarad â chynrychiolydd undeb os ydynt yn profi neu'n gweld aflonyddu rhywiol yn y gwaith
- Grymuso cynrychiolwyr i allu cefnogi gweithwyr sydd wedi profi neu wedi gweld aflonyddu rhywiol
- Amlygu sut y gall undebau a chyflogwyr gydweithio i greu gweithleoedd mwy diogel.
Lawrlwythwch ein llawlyfr ymgyrch Fe Wnawn Ni Dy Gefnogi Di i ddysgu mwy am gefndir yr ymgyrch
Sut i gefnogi'r ymgyrch Fe Wnawn Ni Dy Gefnogi Di - cynrychiolwyr a changhennau
Mae cynrychiolwyr yn allweddol i wneud yr ymgyrch hon yn llwyddiant ac i godi ymwybyddiaeth ynghylch yr hyn y gallwch ei wneud os byddwch yn profi neu'n dyst i aflonyddu rhywiol.
Os ydych chi'n gynrychiolydd, ystyriwch gymryd rhan mewn un neu fwy o'r ffyrdd canlynol:
- Archebwch bosteri ffisegol a'u harddangos ar fyrddau hysbysebion, yn eich ffreutur a'ch derbynfa.
- Lawrlwythwch bosteri a thaflenni i'w hargraffu a'u harddangos yn eich gweithle.
- Rhannwch a chodwch ymwybyddiaeth o’r ymgyrch ar draws eich sianeli e.e. gwefan, cyfryngau cymdeithasol a chylchlythyrau.
- Ail-rannwch bostiadau cyfryngau cymdeithasol, graffeg a fideos o sianeli cyfryngau cymdeithasol TUC Cymru.
- Cofrestrwch ar gyfer Mynd i’r Afael ag Aflonyddu Rhywiol a’i Atal ar gyfer cynrychiolwyr - cwrs tri diwrnod ar-lein.
- Lawrlwythwch ein pecyn cymorth ar Aflonyddu Rhywiol i gael canllawiau ar sut i drafod gyda'ch cyflogwr am bolisïau ac arferion aflonyddu rhywiol gwell.
Archebwch eich posteri Fe Wnawn Ni Dy Gefnogi Di
Sut i gefnogi'r ymgyrch Fe Wnawn Ni Dy Gefnogi Di - undebau
Mae undebau llafur yn hanfodol i sicrhau bod yr ymgyrch hon yn cael ei gweld mor eang â phosibl. Os ydych chi'n gweithio i undeb llafur, cefnogwch yr ymgyrch mewn un neu fwy o'r ffyrdd canlynol:
- Rhannwch a chodwch ymwybyddiaeth o’r ymgyrch ar draws eich sianeli e.e. gwefan, cyfryngau cymdeithasol a chylchlythyrau.
- Ail-rannwch bostiadau cyfryngau cymdeithasol, graffeg a fideos o sianeli cyfryngau cymdeithasol TUC Cymru.
- Archebwch bosteri ffisegol i fynd efo chi i weithfeydd
- Os yn bosibl, crëwch dudalen we bwrpasol ar gyfer yr ymgyrch
- Rhannwch cwrs Mynd i’r Afael ag Aflonyddu Rhywiol a’i Atal efo'ch cynrychiolwyr
Archebwch eich posteri Fe Wnawn Ni Dy Gefnogi Di
Sut i gefnogi'r ymgyrch Fe Wnawn Ni Dy Gefnogi Di - cyflogwyr
Mae cyflogwyr da eisiau i'w gweithwyr deimlo'n ddiogel a'u bod yn cael eu cefnogi. Gall cymryd rhan yn yr ymgyrch Fe Wnawn Ni Dy Gefnogi Di eich helpu chi fel cyflogwr i gyflawni'r dyletswyddau ataliol yn Neddf Diogelu Gweithwyr 2024.
- Rhannwch a chodwch ymwybyddiaeth o’r ymgyrch ar draws eich sianeli e.e. gwefan, cyfryngau cymdeithasol a chylchlythyrau.
- Ail-rannwch bostiadau cyfryngau cymdeithasol, graffeg a fideos o sianeli cyfryngau cymdeithasol TUC Cymru.
- Archebwch bosteri ffisegol a'u harddangos ar fyrddau hysbysebion, yn eich ffreutur a'ch derbynfa.
- Lawrlwythwch bosteri a thaflenni i'w hargraffu a'u harddangos yn eich gweithle.
- Lawrlwythwch ein pecyn cymorth ar Aflonyddu Rhywiol i gael canllawiau ar sut i drafod gyda'ch cyflogwr am bolisïau ac arferion aflonyddu rhywiol gwell.
Archebwch eich posteri Fe Wnawn Ni Dy Gefnogi Di
Cwrs Mynd i’r Afael ag Aflonyddu Rhywiol a’i Atal
Mae Addysg TUC Cymru yn hyfforddi cynrychiolwyr undebau ar ystod eang o bynciau.
Rydym yn cynnig cwrs tri diwrnod i helpu cynrychiolwyr i fynd i’r afael ag aflonyddu rhywiol yn y gweithle a’i atal.
Bydd yn eich helpu i wneud y canlynol:
- Adnabod aflonyddu rhywiol a deall yr effeithiau
- Deall cyfrifoldebau cyfreithiol cyflogwyr (gan gynnwys y ddyletswydd ataliol newydd)
- Negodi polisïau effeithiol ar gyfer y gweithle
- Cefnogi aelodau y mae aflonyddu rhywiol yn effeithio arnynt
- Datblygu cynllun gweithredu ar gyfer eich gweithle
Bydd y cwrs yn rhedeg unwaith y tymor, fel arfer ar-lein. Cofrestrwch ar gyfer y cwrs mynd i'r afael ag aflonyddu rhywiol a'i atal heddiw.
