Mae TUC Cymru yn lansio pecyn cymorth newydd i gefnogi undebwyr llafur sy'n ymgyrchu dros weithleoedd gwyrddach a thrawsnewidiad cyfiawn i Gymru sero net.
Mae'r argyfwng hinsawdd a natur yn fater i undebau llafur. Ymunwch â ni yn y digwyddiad hwn i drafod:
- sut y gallwn drefnu ac ysgogi ar gyfer 'trawsnewidiad cyfiawn'
- pam mae newid teg a chyflym i economi sero net yn hanfodol i weithwyr yng Nghymru a thu hwnt
- pa gamau ymarferol y gallwn eu cymryd i greu gweithleoedd gwyrddach
- sut i gael hyfforddiant newydd a pha gymorth sydd ei angen i adeiladu rhwydwaith o gynrychiolwyr gwyrdd undebau llafur yng Nghymru
Bydd y digwyddiad yn cael ei gadeirio gan Shavanah Taj, Ysgrifennydd Cyffredinol TUC Cymru.
Bydd y digwyddiad yn cynnwys sesiwn Holi ac Ateb gyda siaradwyr gwadd.
Byddwn yn darparu Capsiynau Caeedig yn y cyfarfod hwn ond os oes gennych ofynion hygyrchedd ychwanegol, cysylltwch â wtuc@tuc.org.uk
Darllenwch ein hysbysiad preifatrwydd:https://www.tuc.org.uk/TUCprivacy
Pwy ddylai mynychu'r digwyddiad?
Mae'r digwyddiad wedi anelu at undebwyr llafur yng Nghymru gan gynnwys swyddogion, cynrychiolwyr, swyddogion y gangen, cynrychiolwyr iechyd a diogelwch, cynrychiolwyr yr amgylchedd/gwyrdd a chynrychiolwyr dysgu undebau.
Côd Ymddygiad
Mae’r TUC yn ymrwymedig i drefnu gweithgareddau lle y gall pawb gyfrannu ynddyn nhw mewn amgylchedd cynhwysol, parchus a diogel. Nid oes gan y TUC unrhyw oddefgarwch tuag at unrhyw fath o aflonyddu, gan gynnwys aflonyddu rhywiol. Ni fydd unrhyw ymddygiadau neu sylwadau ymosodol, sarhaus, bygythiol, amharchus neu annerbyniol yn cael eu goddef. Mae hyn yn cefnogi’r ymrwymiad a osodwyd yn rheolau’r TUC i hyrwyddo cydraddoldeb i bawb a chael gwared â phob ffurf o aflonyddu, gan gynnwys aflonyddu rhywiol, rhagfarn a gwahaniaethu annheg. Mae’r polisi hwn yn berthnasol i bob agwedd o gyfathrebu mewn digwyddiad neu mewn cysylltiad â digwyddiad, gan gynnwys postiadau ar y cyfryngau cymdeithasol. Os oes gennych chi unrhyw bryderon ynglŷn ag ymddygiad yr ydych chi’n dymuno eu trafod, cysylltwch â ni drwy e-bost os gwelwch yn dda: wtuc@tuc.org.uk